時間緊迫,有咩遊戲(接新娘時玩新郎及兄弟)能盡快完成

之前我結婚上網都見好多遊戲~但係都係一般

我自己就收集左其他網友玩既一些特別/自創/改良版既遊戲

放曬係blog度~一共有廿二個~你慢慢看啦~希望幫到你

http://hk.myblog.yahoo.com/jw!YpnbqdiFBw4vnr7CoKiv3u._rbk-/article?mid=610

我自己上次做姊妹~班兄弟遲左"成個鐘"先黎~都係無時間玩

但係到最後都有玩曬四個~只係將d遊戲簡化少少~同埋易d比佢過關

例如~答問題答錯要食自製糯米茲(入面係酸、甜、苦、勒)
個個兄弟有份食~咁就改左唔答問題~個個都要食一粒先~會慳番d時間

同埋最重要一樣野
係唔好比d咁多野講又唔肯做野既兄弟企係最前拗數
因為佢一地一定搞到無曬時間玩...........

用新人的名字砌一對聯出來
或者玩名字接龍,如陳大文>文武全才>財來自有方>.........方.......

1. 身體力行報佳音
預備9件西餅... 要新郎去請隔離住既街坊食餅... 按鐘請食餅時... 要話比人知 "我大個仔... 結婚啦..." 期間兄弟要做99下push up... 同時進行
(around 玩10分鐘)

2. 利利是是
除左大封既開門利是之外... 一般兄弟們都唔多會帶散紙係身... 要難為佢地既... 就用紅絲帶釘住9個利是封... 要佢地每個利是封入兩個硬幣... 不論面額... 寓意一雙一對... 長長久久...
(around 5 minutes)

3. 將冰山劈開
之前一兩日...雪一舊冰(大細你地揀.. 我試過玩 2L 咁大.. 2分鐘就敲爆左) 入面放門口既鎖匙... 5分鐘之內拎到鎖匙既佢地就自己開...
呢個game係要黎... 表示新郎要娶到新娘子既決心
(around5 分鐘, 但醒目既... 佢地within 3分鐘就玩完... 基本上一敲就會爆)


4. 甜言蜜語顯愛心
入到屋... 係房門外講愛的宣言... (around 3分鐘) (可以放係冰山劈開.. 入門前玩都得... or 改為唱情歌都可以)


5. 同鞋白首
最後一關... 係房門口放新娘子既其中一隻出嫁時著既紅鞋... 要新郎哥幫新娘子著上... 寓意同鞋白首... 永不分離... 男既聽晒女既話... (around 2分鐘)

應該夠晒... 少少時間剩要黎以防萬一佢地搵唔到街坊食餅, 佢地賴皮唔肯玩用...