想請問 1888 前景如何?

見高即沉板（１８８８）現價４皮，比上市招股時，足足潛水一半！

查實此股最初是冇甩野衰，最衰係一上市就吹得太衡，出動到眾財星吹衡佢，以高ＰＥ去招股！餐飯真抵請！
圖片參考：http://tw.yimg.com/i/tw/ugc/rte/smiley_13.gif


當然，從舊有股東的角度，高價抽水對建滔（１４８）是有利，奈何害死接貨嗰班！
圖片參考：http://tw.yimg.com/i/tw/ugc/rte/smiley_2.gif


見高即沉板（１８８８）同類形的公司有華翔微電（１１９５）大昌微線（５６７）等等，當然見高即沉板（１８８８）是行業龍頭，但以ＰＥ計，仍然是高其他同家高好多！

其他行家的股價已跌至３倍幾ＰＥ，而見高即沉板（１８８８）仲有７倍ＰＥ啊！可見唔係見高即沉板（１８８８）一隻跌，而是全族都跌，大家同樣地跌超過１半！

造即沉板的材料是銅，銅價上升，公司是否可以真的百份百轉嫁給消費者？

國內的勞動法，會否增加公司的工資成本？公司的廠房在廣東，本人在國內看新聞，在港及國內認識做廠的，都異口同聲地說，招不到人，而招唔到人的原因是外地民工縑廣東的人工追不上長三角，閩三角等，廣東的工資已失去競爭力，是否意味著廣東的公司將要加人工去挽留人手？

聽聞今個春節，外省民工好多都好遲番公司報到，但番到公司就問，你公司畀幾多先？雖然講到內地啲民工好似好衰，但佢地啲工資，好似十年前同而家都是差不多！而家咁高ＣＰＩ，唔叫你加先至奇！

其他勞工輸出大省，如四川，湖南，湖北，江西等，在其省已有很好的工業發展，民工又有什麼誘因要長途跋涉，番山涉水，離鄉背井，拋妻棄子到廣東打工？

環保條例加強，而即沉板涉及重金屬，是否又被現時的國策捉到正？

聽聞大陸玩停電，即隔日供電，會否影響到公司？或許佢有水開自己台發電機，但成本唔同啊！

人民幣升值，即代表公司產品在世界市場的價格高了，這又會否影響公司的銷售成績？而公司收了別人的美金（如用美金找數），是否又有匯兌風險？

種種因素，我不是行內人，但這是從常識已猜測到！或許全部都不是，但這些資料，都是我收到的，看到的！

見高即沉板（１８８８）股價越跌，母公司就越接，但自一月開始，１４２已沒有再增持，現時持股已達７４．７７％，是否會接爆燈（７５％）？引致最後幾發子彈，唔敢射住？

向好方面，母公司又會否私有化番個仔（１８８８）？那麼真係要ＣＨＥＣＫ佢老媽子（１４２）有冇水先！

因此，此公司有很多不明朗因素，最大的炒賣因素，仍然是博佢〔私有化〕！

現時大市仍然飄忽，大隻佬都頂唔順，如果我係有水在手，我都買左啲大隻佬先！因此，現時股仔就算好標青，都好難成為跌市奇芭！何況１８８８在旺市都唔見叻到去邊！

YOKI WONG
圖片參考：http://tw.yimg.com/i/tw/ugc/rte/smiley_1.gif

我9個幾買，守到5元走晒，悔恨遲走，你自己想想吧!

好似話...1888前身係...依利安達....當時股價一元左右比人收購左..改名後再以7元多招股價比散戶