讀唔讀大學好呢?

想問樓主: 現時您所讀的ive會計高級文憑是否完成, final year還是未完成?

若然未完成, 繼續讀直至final year為止才去報Part-time degree。

若然係完成或者係final year, 有以下方法:

1. 報讀PolyU的Part-time Accounts degree, 但08/09年度剛截止, 唯有等09/10年度。
2. 報讀OUHK的Part-time Accounts degree(報名期最早為今年三月)。
3. 報讀IVE之知専學院與海外大學合辦, 或其他大學持續進修學院與海外大學開辦的Top-up Accounts degree課程(惟必需留意要符合其入學要求, 例如IELTS, TOFEL)。

講番您的情況, 想作以下分析:

1. 若然純粹讀番個degree(未必係會計系degree), 可以報讀與商業有關的degree課程。
2. 但若然考慮晋升(如會計主任), 甚至轉職至會計相關行業(如財務, 公司秘書等)的話, 修讀會計degree兼考其専業試(如ICSA, CPA)是必然選擇, 原因是當僱主考慮升遷時, 您的會計専業試的成績是考慮之列。
3. 現時僱主除了看員工的工作經驗, 學歷亦是考慮之列; 雖則未至於"通街都係大學生", 但擁有大學學歷, 是一張頗重要的職場入場證; 不過, 就算有, 亦不一定代表您的人工一定會升和立即有晋升機會, 所以您最好視大學學歷為裝備自己的工具。
4. 無錯, 夜晚進修是少點精力, 體力和時間都不行: 不過, 金錢方面, 若然未申請CEF的話, 只要全部成績合格係可以藉此claim番一萬元, 或者申請non-mean test loan(但利息很高)。至於時間, 若然您所工作的機構支持您的話, 應該會幫您作出安排, 例如俾您早走去返學, 所以您一定要把您要進修的意願告訴給上司知。
5. 分享下筆者的經驗: 曾經一星期要返五日學(現時一星期返星期六下午和一晚), 每晚返6:30pm放10:00pm; 頗辛苦, 但有一班同學同您一齊捱, 一齊早點吃晚飯(頂多吃三文治), 日子會無咁"難"過兼好快過; 而且想到可以學以致用, 對自己的工作會有幫助, 就會忘記自己讀書的辛苦。
6. 若然筆者係樓主, 筆者一定會報, 無論如何辛苦, 一定會讀。

祝學業有成!

2008-03-11 11:52:49 補充：
更正:PolyU的08/09年度Part-time Accounts degree的截止日期為08年3月31日, 謹此致歉。

好多成功人士都係由低做起, 由 HD 讀 上去 MASTER的. 讀PART TIME EVENING 初時可能覺得辛苦, 但是習慣左就無問題, 遲D 無返學你可能覺得不自在. ^^
所以強烈建議你報個PART TIME DEGREE 來讀. 唔一定讀返ACCOUNT. 通街都係DEGREE, 有個DEGREE 巳成為搵好工最低要求. 至於ACCOUNTANT, 你巳經有底. 要CHARTER 都可以入會計專業學會考PAPER考返.
http://steve-at-tatsuno.blogspot.com

雖然你冇想過做會計師, 但係由於香港政府於約十年前將香港的大專學額增加約十倍, 這代表了由一九九八年開始, 香港的大專人口會於四十年內由約6%增加至60%, 而直到二零零七年為止, 香港的大專人口已經是十年前的三倍, 所以你亦會發現現時的高級文憑的競爭力比十年前的師兄師姐大不如前, 如果你為持現時的學歷不進, 你的競爭力就會隨着大專人口不斷增加而減少, 所以我建議你繼續讀上去, 最緊要係讀D政府認可的學位, 千祈唔好讀完之後先知道冇人承認, 咁就大獲啦!

香港公開大學係個幾好o既選擇, 以ive會計高級文憑申請返讀會計學位可免讀80個學分, 即係話你只需要讀多四十個學分就掂, 亦即係約4萬元, 以Part time的速度, 只需2年, 時間同金錢都已經非常相宜, 而且又係政府認可兼英國會計師公會承認o既學歷, 玩得過.

poly u 個part time account degree 之前問過好似係只係接受associate degree 的人apply!如果係真係想讀的便要注意~!!!

邊間U的degree?
有得讀緊係讀啦, 大把人想讀都冇得讀

有個degree當然好拉^^
正如你所講,朁升機會都好d
就算係夜晚進修都值得..
金錢方面我諗你讀完之後工作方面都足以補番*
我知道有課程可以同你銜接上去..
有興趣既話..我可以比d意見你^^
my msn:[email protected]
or my tel : 61029376
希望可以幫到你