請問點樣可以完全清理貼左係門櫃幾年果d貼紙??

白電油 和 松節水 都係清理膠漬既好幫手.
兩樣都可以晌五金舖買到,十幾蚊有一枝大啤咁多.
不過松節水好大氣味.但用剩可以用黎開油漆.
同時要注意,若施用的櫃門係油漆面,就唔好用松節水.
因為會將漆料一齊溶化.

清理舊貼紙,要先將貼紙表面剷除,
樓上001說用小剷刀係正確做法.

剷除表面紙質後,用威士[即棉碎料,五金舖有售]或厚棉布,
嗦濕白電油或松節水,蓋在膠漬上,待一會.

膠漬就會溶解,很易抹掉.

如果膠漬很多,就反覆用沾有白電油或松節水的新威士或布料再抹擦.

應該好易搞掂,仲抹潔其他污漬,櫃門煥然一新.

仲有,除非係玻璃面或雲石面,否則千萬唔好用洗甲水.
因為蝕性好強,有如天拿水,會將櫃門表面蝕到啞色.好肉酸.

希望幫到你!

唔好求其就咁剷呀！除非係玻璃櫃咋，唔係就有油走油，無油起花呀！
如果您啲貼紙係普通紙面，先用夾水棉抺，去紙面剩膠紙印，用　DE-SOLVE-IT　抺；
啲貼紙係膠紙面嘅，就咁用　DE-SOLVE-IT　夾棉花浸軟一抺，咁就搞掂！
意見Ｊｅｔ　意見Ｊｅｔ
見您用櫃多年．．．都唔換，無謂一陣做到喊晒口
用白電油嗰啲，會將漆料．櫃面和心機一齊溶化
意見嚟Ｊｅｔ　我做咗十幾年水電裝修　意見嚟Ｊｅｔ
ｐｓ．我買支細嘅　DE-SOLVE-IT　都係＄８之ｍａ

1. Try "WD-40"。
2. 都可以試下白電油，同ＷＤ４０一樣的。
3. DE-SOLVE-IT去過日本城, 實惠, 百佳, 直銷中心CHECK價, 最平係直銷中心, 小的$28，大的$43，呢隻野，好多人都講過，都可以一試。
但佢對清潔鏡及玻璃效果不錯， 鏡上的漬噴一噴， 抺一抺， 真的好乾淨。
4. 每位女士都可能有的洗指甲水，在膠紙印上噴上少許，用棉花或紙巾用力擦，信得過推介。
5. 可到五金鋪買一把刀片夾（或稱刀片剷），價錢大約$5 / 一把，專業的清潔工人就是用這種刀片夾把地上的香口膠污漬剷起的，我之前屋企進行裝修時，也是用這種刀片夾把不小心滴在玻璃窗、牆邊或地上的油漬剷除的，之後再用上述的清潔劑輕抹便可，現在我常備有一把刀片夾在家看門口的。
（此方法或者不適用於你的情形，不過都FYI）


6. 最便宜和簡單的方法，每個家庭都有的 - 塗上潤手霜，就可以完整的撕下標籤了。