乳房纖維瘤係經期前係咪會大粒d?有無人做過呢類手術?

我都聽朋友講過, 經期前係會腫腫地都痛痛地, 過左經期會收返同無咁痛的, 但如果粒野唔收, 可能係纖維瘤, 但如果好細粒, 一厘米以下, 可能政府唔會同您切, 我所知道, 初期有三個階段, 初期好細粒, 大少少就叫纖維化, 再大d約一厘米就叫纖維瘤, 這三階段多數係良性的, 可以切, 如果您唔理佢 , 有可能變惡性, 所以要定期做檢查, 按下有無大粒左, 最好每年做超聲波, 如果未做過, 多數都會做超聲波及乳房造影, 做呢個乳房造影好痛架, 因為會有兩個野壓住來影x-ray, 做左一次之後 , 可以下次唔駛做呢個test, 只做超聲波就可以, 睇下個醫生要唔要您做啦.

如果您買左保險, 做好就去私家做啦, 我上次做, 都係上年十二月的事, 睇左醫生, 兩三日就book 到私家醫院, 頭尾都係住三日, 第一日早上十一點入去, 下午就做超聲波及乳房造影, 夜晚個醫生睇報告及定位, 第二日早上開刀, 第三日早上可以出院, 個醫生比左五日病假我, 連入院三日, 至於費用就每個醫生收費都唔同的, 仲要睇下您切幾多粒啦, 我上次就初初檢查係一粒, 諗住切一粒, 入左院就check 到唔至一粒, 但最後切左兩粒, 個醫生收左我一粒八千, 兩粒就共收我一萬四千, 最後出院比錢就二萬九千幾, 大約三萬啦, 醫生費用及麻醉師要比現金, 都要一萬九千幾, 住院費就可以比credit card.

保險公司兩個星期就比返錢我, 都算好快啦.

本人做左手術後, 初三個月要覆診, 之後醫生話 , 每年要check, 同做超聲波, 只係做超聲波可以唔駛入院做, 去化驗做就得啦, 大約六百幾至七百元啦, 但咁做就無得cliam 保險, 但您睇開個專科醫生睇開您就好d 囉, 但如果您睇政府, 次次睇都可能唔係同一個醫生跟.

希望可以幫到您啦, 我初初都好迷茫架!!