美國攻打，薩達姆倒台後，伊拉克人的生活改善了嗎?

樓上個位唔該唔好亂抽水
人地係問緊伊拉克 唔係講緊中國
事實上我覺得薩達姆倒台後生活質素比之前可能仲差
以前伊拉克既石油係國營公司 只要聽政府話都起碼叫有餐飽飯食下
呢家由外國公司經營石油業 佢唔壓低你人工至奇

以前起碼都叫安安定定無內戰你睇下呢家 唔單止聯軍同伊拉克的反抗遊擊隊打到七國咁亂
什葉派,遜尼派 又係度互打爭權 如果你係伊拉克 唔帶武器出街一日又平安無事既話 乜都得
重建民主? 唔好講笑啦
民主唔係話無端端打到人之後求其搵一兩個代表出黎選就叫民主
民主係要由細到大教育出黎既
例如由我地呢一代開始教育 到我地呢一代六七十個時就真係有民主啦
如果硬係要空降個民主落黎 結果就好似伊拉克咁
如果唔係 民主 就只會成為左權力鬥爭既工具
我俾幾個例子你:
俄羅斯同美國既民主已經唔同(而且我都唔同意美國真係百份百民主同自由)
你又睇下台灣所謂既民主 你睇下佢地搞左d乜出黎 唔係黑金就係槍擊案
你再睇返台灣前幾年既新聞 d所謂既議員開開下會可以走出去"星"個議長一巴既.....呢d叫民主wor (呢d咁既民主我情願好似呢家中國咁好過)

最後一句 治亂世 用重典 之後先至可以談仁政

(並稱希望藉此機會推翻獨裁的薩達姆，為伊拉克重健民主，改善人民生活。)
無偉大值口點做到大惡事? 美國在非洲扶植幾多獨裁政權, 攪到七國咁亂. 為民主打救世人? 害死小D人算偷笑! 難得重有人信美國代表國際正義.

如果新政府向美國交心, 就算佢貪污濫殺獨裁, 美國政府都會盡量隻眼開隻眼閉.

推翻薩達姆係真, 因為薩達姆唔順美國嘛! 如果薩達姆該死, 普京都該死啦! 美國又同人握手? 好狗賊!

長期支持恐怖主義方面, 美國功不可末. 拉登係邊個培養出黎架? 美國!

(重建民主的進度如何?)
(政府比以前好嗎?)
(美英聯軍及伊拉克反抗的遊擊隊戰事嚴重嗎? 影響人民生活嗎?)
七國咁亂! 你話咁亂既環境, 人民生活能改善嗎? 變差就有份. 重變二等人, 美軍話事, 亂拉人入監. 又有遊擊隊, 分分鐘死錯隔黎.

但美國公司在伊拉克新建的油管就非常宏偉並整齊咁吸收緊油水.
這場戰爭最有建設性的, 就是壯大了美國利益.