佢究竟點諗呀?大家可以幫下ma?

都係那一句，我說的，不一定是你想聽的，先 say sorry.

你講完一輪，睇得出，你當然係鐘意佢．

你有三個問題：
１）但係個男仔對佢女仔有冇點點意思呢?
２）有咩方法可以令個男仔喜歡自己呢?
３）同埋有咩方法可以試到個男仔係咪鍾意自己呢?

１）唔好意思，我估應該冇乜．因個男仔根本就已經知個女仔鐘意佢！都好明顯啦，講又講過，做又做過，人地點會仲係唔知丫！

２）你呢個問題，全人類都想知答案啦！
只可以講冇絕對成功的方法！唔可以勉強，要接受現實，你揀人，人揀你，佢唔揀你也不代表你差．
但有方法可能可以提高成功的機會率（其實你都知），就係（排名不分先後：
．你可以靚d 身材好d
．你性格好，又吸引人
．你心地好
．關心（但我覺得你已經好關心佢，所以未必係重點）
．你"真正" 識明白體諒佢 (但好多女仔都自以為已經好明白體諒接受佢另一半，但事實，對男人來講唔係咁，往往只係ｄ女仔自以為．．）
．性感誘人
．投其所好
．欣賞讚美佢的優點長處（但唔可太多，一太多就會假）

其實男同女有好多唔同，其中一樣唔同就係，女仔．．．有機會明明唔係鐘意個男追求者，但如果個男仔做好ｄ，又識點做，都有機會感動個女仔，令到個女仔真係慢慢開始鍾意佢．

但相反就．．．唔係咁容易令男仔鍾意女仔．

３）點可以試到？人人都係獨立的，你永遠唔會係佢肚內條蟲．總之，佢一日冇同你講佢鍾意你，或一日冇拖你手冇鍚你，又甚或冇約你出街，就一定唔係鍾意你．