羽絨褸的臭羽毛味

好不幸,我要建議你方棄呢件羽絨褸.

重點係你話一買番黎就有臭味.
即代表你買左件劣質羽絨.

羽絨之所以有臭味,因為羽毛晌工廠時未有充份做清潔和除臭加工.

羽絨內除左小毛之外,仲有好多骨毛,骨毛內可能包含動物本身既分泌.
再加上動物生前會有好多油脂分泌包著毛毛,以作防水&保暖.

以上兩項未清除,就會似有動物既殘骸在衣物內不斷腐化.
無論你點清洗,都除唔走根深柢固既臭味.

好得人驚哦!但呢個係事實.

近年好多工廠都為左本小利大,敷衍除臭加工.
D工廠甚至會自圓其說,話D客人如嗅不到有羽絨氣味,就會覺得用料不足...

幾年前,一件羽絨晌出口店都要賣六七佰,但家陣晌羽絨城賣三幾佰,
可想而知廠方係:求其做好件衫,只要外觀靚靚仔仔,就唔憂無人買.

我本身從事服裝製造,眼見好多國內廠都為左盈利少做功夫.

我敢肯定你果件係劣質產品.
勸你掉左佢啦!無謂再因除臭費神.
亦無謂惹臭衣櫃內其他衣物.

再買羽絨時,緊記無明顯臭味先買喇!
Sale屎多數都會話吹下風就無味,千祈唔好信!!

希望你接受我意見.

首先你將件羽絨樓放入洗衣機洗,後放洗粉,柔順劑,
乾衣後曬乾至大半取回放在床上,用棍拍打.......
至用手摸感覺羽毛沒有一舊一舊,再放出外曬乾後,
再用棍拍打完成.
點解要拍打原因是...不要樣羽毛结成一舊,樣風和陽光將臭氣帶走,
不過最重要係件褸一定要乾透呀.

你用d香香的沐浴露洗下啦,我d女有時都自己用奧寶沐浴露手洗下自己d經貴衫,d衫洗到香嘖嘖的....

而羽絨褸我都幫老公果件手洗過,

當其時我都是抱著得就得,洗衰咗就買過件(老公都成日穿,咁下下都拿去乾洗好貴)
洗衣機我就無用到,因為怕洗壞,(d洗衣機會攪fing到d衫乾,好易fing到變形,d羽絨fing埋一舊)
我先用個一盤(家中有個bb沖涼盤)加些洗粉,用花灑放d暖水撞洗粉開到起泡,
放件羽絨入去,按下、壓下、又搓下,就由得佢浸水,,我第二日才又去攪件衫,
又是輕輕搓下、揉下、按下,就拿上來,放在張膠椅上(果d實惠買的,張椅個椅面是有隆隆咁就可以去水)
咁個bb盤倒去d水,
放番件羽絨放入去盤,再用花灑灑d水在件羽絨面,灑到個盤滿水,就又是按壓揉咁搓下件衫過下水洗去d洗粉,
過乾淨,將件衫放番上去張椅度,又得佢自己『瓊』乾水,(要摺埋件衫咁『瓊』,咁摺埋的話件衫就成舊嘢咁,無咁令水份聚埋一邊)
咁『瓊』到咁上下,就用衫架『浪』件衫,唔好就咁掛起佢,因為d水都重好『聚』,就咁掛會令件衫因為水份關係而變形(d水『聚』咗落去,咁d羽絨咪堆埋落衫腳),
咁我地要將件衫用多幾個衫架,穿件衫入去,令到衫好似瞓係度又咁『浪』住,咁咪將件衫平均分佈的『浪』乾了,就可以無咁易變形了,
幾日後我收件衫下來看,好成功咁洗得乾淨同『浪』得成功,件衫沒變形,可以慳番去乾洗

可用以下的方法嘗試自已洗滌發出異味的羽絨褸

洗羽絨外套方法如下:

手洗

1. 洗衣粉溶於水中。
2 .將羽絨褸浸泡5～1 0分鐘。
3. 用刷子輕刷袖口、衣領。
4. 用清水沖洗乾淨，再放進洗衣袋裡，以低速脫水。

洗衣機

1. 將羽絨褸用洗衣袋包起，連兩個網球一起放進洗衣機裡。
2. 將羽絨褸浸到水裡前，先將衣服內的空氣擠出來，才放進水裡。
3. 洗好後的羽絨褸一定要以低速脫水。

以上兩樣清洗法，洗完後只需要放在陰涼的地方風乾4~5天或低於60度低溫烘乾即可，但不要直接拿去曬太陽，因為陽光直射很大機會會損壞布面(而我就會用抽濕機抽乾水份，一晚即ok) 。

羽絨褸不建議送去乾洗，因為容易過度使用洗劑，使羽絨遭到破壞。

清洗羽絨褸，絕對不要使用柔順劑和漂白水，因為可能會阻塞毛細孔導致透氣度降低而破壞羽絨的彈性。

脫水時，可以放一顆網球加速拍打，藉此可以拍散羽絨，也較容易乾，(亦可在乾後拍打，藉此可以拍散羽絨) 。

羽絨褸約一個月洗一次即可；但換季要長期收藏前，為免會產生異味甚至發霉，所以一定要清洗乾淨完全乾透才可以收藏。

羽絨被的清潔方法同上。

羽絨唔可以乾洗GA, 但係想除去這些臭味, 可以自己用手洗

我件羽絨褸有臭羽毛味，點樣可以除去這些臭味呢？

P.S 新買番尼個時已經有臭味


試吓去乾洗啦!

我work喎!