✔ 最佳答案
在下路過, 唔係想攞你5分, 只係想問你呢位同學個如意算盤到底打來做乜? 先講講留級機制既 [原意]:
讀書讀得好, 升級.
讀得唔好, 留級係想比多次機會你讀番好.
留兩次都唔好, 再留對你都冇咩可能有幫助, 先至要你出校, 搵d岩你讀或岩你做既野.
朋友擺明係留夠3年走人, 係出面重讀中四, 即係擺明計劃浪費多兩年, 才想做番個人.
佢既中學同學係向住自己既將來全速前進, 而呢個人就係度白等. 為左乜? 等女朋友都話終有一日娶佢做老婆啫, 等一d擺明會分道揚鑣既同學, 白等兩年, 值得咩? 仲要自殘, 值得咩? 到底係擺明會分道揚鑣既同學緊要d, 定係自己既光陰, 前途緊要d? 到大家中七散晒之後, 你估佢會唔會後悔浪費左既時間? 到時佢轉校仲有冇學校肯收? 肯個d都唔方係好野啦, 比佢升中五, 到考公開試都冇用啦.
幫我話下佢:
後生仔, 醒覺啦! 唔為自己都幫父母諗下啦! 讀四次中四, 你父母養你唔使米飯? 佢地見你咁自棄, 個心會好過咩? 你係為自己而活著, 而奮鬥.
個d 升到既同學, 如果係 friend既, 係為你好既, 就叫佢地教你讀書方法, 幫你補習, 等你有一日可以追番以前失落既野. 佢地托手爭既話, 同你有幾friend你都有眼見啦, 仲值唔值得陪呢d人, 你自己諗.
最後, 仲未到學期尾, 做咩咁快放棄? 你今日急起直追, 未必就會輸. 同d friend一齊溫書囉, 佢地得你都得既啫! 叫佢地教你囉, 會考都係考番中四既野, 教你等於佢地自己溫書, 佢地冇蝕底個喎. 你諗留級, repeat 中五都得既啫.
支持你積極面對困難, 一時得失唔緊要, 人生正確既態度最重要!
2008-03-14 10:43:33 補充：
唉, 都成十幾歲人, 諗法都係同小學生差唔多...
叫佢合上眼, 時光旅行, 坐[多啦a夢]時光機去到幾年後, [風吹雞蛋殼], d同學各奔前程, 佢自己書又讀唔成, 轉校又冇人收個時候. 佢真係仲會唔會覺得今日無揀錯???
人生既十幾歲, 由11至19, 過去左就係過去左. 而家番唔到中二, 中三時, 將來亦番唔到而家. 唔係長做長有架. 而家唔珍惜, 將來就係佢自己後悔, 後果亦係佢自己承擔. 又唔會冇左父母咁嚴重, 只係父母睇到佢唔長進, 徒添唏噓. 佢咁[小朋友], 唔顧父母感受都唔奇, 不過, 在下覺得佢咁樣係唔岩啫.
2008-03-14 10:57:17 補充：
至於文科理科, 都要讀中英數掛? 讀書就算學科內容唔同, 溫習既方法, 技巧都差唔多. 仲有, 溫書都講究 [有伴]. 在下以前都有要好既文科既同學, 同枱溫習, 互相勉勵, 真係有幫助架. 佢既朋友係一定有地方幫到佢架, 至於佢本人唔想比人就係另一回事.
係書枱上同係球場上一樣, 都可以培養團隊精神, 友誼永固. 趁今年仲係同學, 好好珍惜相處既時間, 約佢地出去 [或回校] 溫習囉. 佢升左中五, 朋友升中六, 都係可以一齊溫習既啫, 做乜諗留班啫???
參考: 自家意見, 歡迎批評指正.
