我玩麻將成日輸 點先可以贏多d

每一種賭博行為都係要視乎個人的本能、悟性、經驗、修為、個性，每個人都有不相同之處。
初學者由學習、有人指導，都是鍛鍊不同「遊戲」的規則、變化、技巧，但真正實戰時的對手會各有不同變化。
只講打麻將，何時要比下家上牌，何時棄胡，手上平胡但何時見機要碰斷對方的牌，手上有３４５６７筒等上２５８三飛等好耐都無，你又捨唔捨得打３４筒轉章４６萬去等卡窿５萬？
每次唔同的對手，三家的性格、特性，二圈牌內可唔可以捉摸得到？引唔引到上家的牌？誅下家夠唔夠狠？對家牌旺你捨唔捨得打到下家九章等佢地「私片」而坐收魚人之利？
如果成日都會講「早知打呢隻啦」「早打唔洗輸」「早知碰死佢」「打呢隻都係輸一番咋」呢類說話，咁即係唔識得在失敗中學習，咁就應驗果句「學識都無用」。
其實睇電影「賭聖」第一集同「叻咕叻咕新年財」都有講類似的秘訣，只不過係唔同性格的人可唔可以運用到，同運用到幾多之麻。
切忌「一廂情願」上家一定會打比我上、三家會打比我碰、自己一定會摸到、等下一定有、下一隻就係。
你落場打，對手有無棄胡、清一色唔做轉三番、何時轉章、有無扣你牌，對手唔會同你講。
有機會開枱你唔好落場打，睇四家打，唔同性格的人有唔同的打法、點拆牌、點轉章，可以睇到好多野。
賭博必勝術一定有……就係講果個……正所謂「講就天下無敵」
總結︰錢財鬆動無壓力可以落場玩玩，舖牌做到幾靚幾大都好，食唔出乜都係假。
希望答到你的問題啦！

圖片參考：http://hk.geocities.com/tult010/knowledge/Alex.gif