黎緊16號會去台灣

先回答你開頭的問題

最好就是２個鐘前到機場ｃｈｅｃｋ　ｉｎ，而且香港機場場入左閘都好大好多登機口，要早小小入禁區就唔使咁趕

而入台証呢，如果你係香港出世就好簡單。
去到台灣機場就會有ｃｏｕｎｔｅｒ搞落地簽證，費用２００新台幣。不過呢，台灣ｄ人手腳好慢，我地慣左有效率就會唔係好耐煩，如果你怕既話呢，就可以申請定入台証，費用港幣＄５５，為期同樣係１４日。

不過如果唔係香港出世呢，就要親身上金鐘個辦事處搞台證，大概２個星期有得拎，一樣＄５５

而換錢呢，我建議你去到台灣機場先換，比香港換抵ｄ（佢收左手續費都多過ｈｋ換），不過係機場好換喇，出到去換好麻煩。
換錢個ｃｏｕｎｔｅｒ，你出境之前會見到，因為好多人排隊

至於你個兩間酒店，我未住過，唔係咁熟，等其他人幫下你啦

而安全方面，唔使咁擔心，係去夜市或者多人既地方就小心銀包，不過台北治安唔錯，都唔會有太大問題

交通，最簡單既，就係捷運啦，好易明易坐，大部分出名既景點都有捉運直達，加上中文，唔會有問題；

另外，台灣人大多好好人，有問必答，而且好親切，唔識就問下佢地啦，一定幫到你架！


我都希望我幫到你啦！

我呢個月中都會去台灣，咁啱我朋友都會住富粧飯店，富粧飯店其實係西門町附近，所以如果夜晚冇掟去，又唔想去咁遠既地方玩，可以係西門町行吓。西門町裡面都會有小食攤可以試試台灣的小食，另外有誠品可以行吓丫~~烏來以我以前去過一次，其實周圍都係溫泉旅館，所以我都唔知有咩地方好去喇~"~

至知其他問題，上一位朋友都已經回答左喇。啊@@如果你係機場換錢唔夠用，其實都可以去台灣既銀行換，但星期六、日係冇得換既。如果咁啱撞正星期六、日可以去SOGO或者三越百貨都換到架。仲有簽卡都係一個唔錯既選擇，因為我之前有係台灣簽卡，個兌換率比直接換錢仲高D＝　＝"但我唔敢保證每次都係啦~~

祝你有個偷快既台灣之旅啦~~