選擇邊種BB CREAM???

我都係混合兼有敏感，以前一到秋冬塊面就甩皮兼出紅色粒粒好醜樣，十幾歲時因o吾識亂買以為越潤越好，終搞到爛面連眼都睜o吾開要睇皮膚專科大半年先靚番，所以o吾用亂用。有d所謂暗瘡未必係青春豆，可能係油脂分泌旺盛阻塞毛孔所致，又或係毛囊發炎形成；你應該先find out係面上/身上出現o既不同情況究竟係o羊呢，然後逐步護理改善。有d護膚品牌店舖都可以替客人作皮膚分析，然後按膚質介紹應用邊種產品，我個人就喜歡揀日/韓品牌，始終成份調配較合東方人，如資生堂(如是初次光顧，sales幫你作皮膚分析後，會出張咭比你可另book時間有專人指導你由潔面到護膚步驟，呢個服務係免費架)、Laneige(我同d friend較喜歡去時代廣場/太古城/SOGO/沙田新城市，其他分舖就麻麻)、Lancome(外國牌子幾好用，因價錢較貴並不是常買)等。韓國Laneige同Skin Food 價錢較大眾化質素o吾差。我近5年都係用Laneige怕麻煩鍾意一兩支搞掂晒，日本資生堂較貴，夏天出o既line較o岩使，用後很清爽不覺乾，但冬天我始終攬住Langeige 保濕面膜超正。DHC有多種不同line，夏天條line好清爽同滑，冬天條line個人覺得o吾夠潤。皮膚o吾夠水份就會出油作保護，越乾越出多油，搞到塊面有d位油有d位乾裂；而油脂分泌越多清潔程序o吾正確，會令毛孔阻塞一係出油脂粒一係發炎或變瘡瘡，所以保濕鎖水好緊要。雀斑呢家o野只可以令佢變o吾可以完全消失，晒得太陽多，紫外光直接照射令皮膚內層黑色素受刺激浮面形成雀斑，夏天出外要搽防晒，擔遮/帶帽可避免晒到塊面。又或可以去有信譽o既美容院做深層清潔同護理，以前做facial時係美容買過兩隻牌子好好用，一隻叫DR FORMULA(用後一年四季塊面都好光滑)，另一隻叫VITAL'S(含中藥成份保水兼美白)，應該係得美容院先有得賣，不過店主移民所以N年無做囉。以前聽老人家講~~夏天係戶外做完運動後或晒完太陽外後，個人個身塊面流晒汗熱辣辣，不要即刻用水洗沖塊面，用毛巾抺面等降溫無紅卜卜後先用水洗，o甘就o吾會出雀斑，touchwood我緊守呢個規條三十幾年來真係無雀斑囉。

我都係混合性肌膚, I use Skin Food -Aloe BB Cream is quite good, smooth & protective ,have UA & control oil ,not oily. I think you should try try.
Hope it can help you for reference