廣州人的飲食習慣

其實我唔係做飲食業，不過有親戚在廣州做飲食業，而且間唔中都會返去的，希望少少資料可以幫到你啦。
其實我覺得你既目標客路，唔好話set定係白領，國內消費力強既人未必全部都係白領，依舊有唔少白領月入都只不過係二千左右的，當然，某部份都月入亦接近香港的。
$30-$50一碟既意思係一碟咩先? 前菜定係主菜?
廣州食肆其實有d奇怪的，我試過係廣州一間高級的中式食肆食lunch，一碟3件的蛋撻都要32蚊，炒碟飯都過百，但間野都門庭若市，當然，廣州同香港一樣，地點係好重要既，我上次去個間係係廣州世貿中心商場入面既食肆，佢先可以收得咁貴。
廣州人其實好鍾意出街食野既，對日本野既接受程度都已經好高的，因為我係廣州都見到有唔少日式食肆，生野哩方面其實都係好個人口味的。
廣州一般食肆係唔俾收加一的，除左酒店入面既食肆，好似仲有分幾多星級以上既酒店先可以收加一。
其實我覺得你應該返去廣州，去多幾日日式食肆到食下睇下，依家廣州都有好多日式食肆的，價錢同香港既差不多，你可以衡量番你開既位置同人地有咩分別、食物質素既分別。
雖然唔係咁解答到你既問題，但希望都可以幫到你。

多謝各路英雄的意見呀，我尚在搜集資，稍後會去廣州的，謝！！！！

1) 一般著通文員都有千幾二千蚊人工既.
2)睇下抵唔抵食啦,貴得黎唔好食,又好少...點食wo...同埋佢地會好著重第一印象.食過一之唔好就唔會再黎.
3)出ga,星期六日去食飯都好多人.多數都要等位既.日本野都好多人食呀,生野ok呀!!廣州都有好多食日本野既地方啦.
4)係唔可以收加一ga,只有飯店先可以收加一ga!!
5)有好多年輕人既雜誌既...飲食雜誌都有d,不過唔覺有好多人會買囉...
6)yahoo會睇,不過百度更多人用.
作為一個消費者,食過廣州幾間日本野,我眼見初頭平同抵食個d,做做下d野食就唔好食,最後服務態度就變到好差...之後就無人去,結果就甘結業.系廣州如果你真係做得好,唔怕無客既...打邊爐一個人百幾都,都可以大排長龍.宜家廣州d人有錢左好多,對於食開始有要求.店舖既選址都好重要...
你有無去過廣州睇下人地d店舖點既樣?!親身去睇下,仲好啦!!

2008-03-06 14:21:38 補充：
你想唔想做hk年輕人生意?!廣州暨南大學好多hk人 同澳門人.只要你既野比香港既價格平d抵d,佢地都會去食.暨大附近既店舖都有一種共性,一係入面就好多暨大既學生食緊野,一係就一個都無.佢地既口頭宣傳比你系出面做幾多廣告都更有用.而且,佢地既消費力系大陸黎講都十分之強.

2008-03-15 03:14:12 補充：
預祝你成功先．．．係ＷＯ．．．我最近修左科叫＜＜餐飲管理＞＞，我覺得都ＯＫ　實用．．．得閒睇下Ｄ關於尼方面既書，應該可以幫到你既．．．

你係唔係想創業呀?

介紹你睇吓呢個網，或者有D新思維 www.wfh1638.com