想問幾條關於飼養狗狗的問題.....

首先..我睇到你既條件...你係唔適合養狗..!!

點解??因為一個真正有愛心而去養動物既人...
對所有寵物都係唔會有多過一條既條件...
而你...??

- 可以每日倍伴我跑步30-60分鐘的狗狗

答**大部份狗隻都鐘意做運動...但要講可以同你一齊做運動既..大型犬會比較理想!!!因為佢地體力同骨架都比小型犬強壯一點..

- 每天為牠清潔的時間不需超過30分鐘(即是易打理^______^)

答**冇狗係可以有清楚時限..萬一佢肚痾、出街整污糟..你唔幫佢清潔嗎???不過要講容易打理...短毛犬比較好...唔洗梳毛、體味又會較輕..

- 不要好勇鬥狠的,最好活潑乖巧,會討人歡心的

**狗狗性格係點...好睇佢生活環境同主人點教佢...就算佢真係唔太乖巧...主人都應該教好佢..而唔係怪佢!!

- 感染疾病的機會較低(即是不要體弱多病)

**都係一樣...狗狗既體質..都睇佢生活環境夠唔夠清潔、主人有冇為佢揀適合佢既狗糧...有冇同佢做下運動....


- 體積最好較小

**小型犬運動量唔可以太..否則係有機會令佢身體受傷..

- 價錢$3000以下

**或者你可以選擇領養...唔由bb揍起..一開始就養成犬...我諗會比較適合你...因為bb仔有又太多野要照顧...


我可以話你知..北京狗本身係身長腳短仲要扁鼻...運動量唔可以大..否則關節同腰骨都好易出事...

仲有..佢地既性格通常都係比較惡、嘈(以我認識既係)...你又接受到嗎??


唔好意思..可以你覺得我一開始就唔係太禮貌..但我所講既都係事實..
唔好以為你想養..就等於你能夠接受同照顧佢一世...
養一隻寵物..唔係講咁易!!!
唔願意付出太多俾佢地...你唔好養狗呀!!!

2008-03-05 12:54:28 補充：
Shan Shan,

好開心遇到你呢位『同道中人』...
我大仔都係莎莎...6歲幾喇~~~
同你一樣..當佢親生一樣....

眼見好多小朋友俾人遺棄..相信大部份主人都係好似發問者咁...以為養狗..鐘意狗就可以..
但從未諗過要照顧佢..亦唔係講咁易....希望發問者睇到我地既留言會明白啦!!

我想你在考慮養狗之前, 你可以到愛護動物協會或香港保護遺棄協會裡做義工, 每星期只用一兩日的時間, 看看自己是否適合擁有自己的狗狗, 當中你會更加了解不同狗狗的生活習慣, 可能最後你不會再計較你每日所花的時間, 牠們身體是否健康, 身型是否纖巧, 相反, 若果當中你感到牠們真的令你比預期所花的時間實在太多, 甚至照顧牠們真在太麻煩, 那你便不用考慮養, 到時仍未覺得遲, 起碼好過你養了牠們之後才發覺有問題, 那又多一隻被遺棄的可憐狗狗, 養動物就如我們結婚, 生仔一樣, 要考慮清楚, 這個決定會影響狗狗的一生, 你試試去當義工吧!

文迪：

　　你已講中晒作為一個狗主嘅心聲！
　　我都養咗隻史納莎女，佢已經兩歲喇，其實揍佢真係好花時間，但我願意，因為我愛佢；我從來對佢無乜特別要求，只要佢開開心心、健健康康咁生活已經夠，因為我錫佢。
　　我待我隻狗狗有如親生女，會同我一齊瞓架！
　　發問者！你都係死咗條心啦，因為你根本唔適合養狗呀！