我想問草龜應該點養最好???

首先你用的水有冇經過曝氣（即係放置超過24小時）先？？？如果係直接用"新鮮"水喉水，水中氯氣容易刺激龜龜黏膜，令佢地抵抗力減弱，好易就有外寄生菌同白點出現。
仲有用岩水，水都要經常換，冇用過濾器就要每日換，有用都要最長三至一個星期換水，視乎你用的過濾器的效率及濾材。
食方面，就一定要買優質龜糧，因為營養成份對辨，俾三個最常用的牌子你去買：TETRA, ZOOM, NATURALFIN。
餵食方法係用另一個容器裝水深剛好過龜背的水（當然都係隔夜水），放龜入去先再放龜糧，份量就係大約等於龜的頭部大小就足夠，次數係每日餵一次，間唔足俾鮮蝦肉、魚肉或者係冰鮮紅蟲佢地，最好每星期都停餵一日，咁就可以防止龜過胖及有均衡營養。
另外仲有要每日上午10點前或4點後，放龜龜在可以曬到陽光的地方曬下背，以便佢地體內製造維他命Ｄ３將鈣質吸收利用，到冬天氣溫低過15度左右會停食，10度以下就會冬眠，係俾龜龜冬眠的話就要自己就要開始停餵，清腸胃以便冬眠。但你用暖管加溫過冬的話就可以全年照常飼養。

我就養左兩隻巴西龜~
8月果時佢地食好多野嫁~
我喂佢地食紅蟲
佢地屋企我就放左d石春同兩塊石仔...
呢排就開始無食到野
去買龜既店度,
老闆就話凍就搵燈照住,
照到暖d先喂佢地食野
依家有太陽我就放佢地埋去
不過都係冇食過...
可能要等天氣再暖d先~
希望幫到你=﹏="