買數碼相機問題

咁我介紹你買Canon Powershot A720 IS.約$1800
大廠出品,有晒所有手動功能,用AA電可以隨街都搵到,有1cm 微距,可以把細物件影到好大,仲有最有用既光學防手震.缺點係冇咗好好用既28mm廣角,只有中規中矩既35mm叫做普普通通, mon的解像度也偏低但不影響影相.
一般人日間拍攝多數冇問題係因為光線夠唔會手震,唔駛用高iso,其實好多相機夜間拍攝都唔錯的,但係就要用腳架,單單開全自動手持拍攝係唔會影得好的.
現今相機的像素其實己經多到冇意義,一般人都冇乜幾可會晒大相,如果晒4R的話實際上二百幾萬像素己經夠晒,再多都唔會靚咗.反而像素多令到每一粒像素細咗,對控制雜訊不利.
感光度越高可以有越快既快門速度,光線唔夠時就冇咁易手震,所以用相機的全自動拍夜景相機就會提高感光度.但感光度越高雜訊就越多,張相只可以叫做唔矇,但就好花,有好多相機用超高感光度做賣點,其實係有乜實用價值的.
光學變焦越大越影到遠既嘢,但係代價係光學質素會冇低倍變焦既咁好,同埋機身會比較大,㩦帶冇咁方便,而且遠攝技巧同一般拍攝好唔同,手震同慢快門的影響會被放大,光線好問題不大,光線一差就經常會出現zoom到但影唔的情況.
以下是部機的規格.
http://dcfever.com/cameras/fullspecification.php?id=860