取消左有線電視，拆左部解碼器之後電視藍畫面，請問可以點攪？

有線用嘅天線插叫F插(即你所謂的金屬插頭有幼針的線)，F插是美國及日本的標準天線插，這是Cable TV的「小家」安排，原意是防止你自己搬佢個解碼器或私自駁線，Cable貪開台當年F插香港唔Common，大部份人見到個唔知乜嘢插就以為只有找Cable TV才搞得掂。
聽你描述師傅只是換插就可睇電視，那其實你只花10蚊買條一邊係F插一邊係電視用的U插嘅RF線就可解決問題，師傅同你換插是去justify佢收你銀両的行為，斷估師傅唔只收你10蚊咁少啩，虾你唔識。
取消Cable 係唔係要Cable 工程人員上門？
視乎Cable的安装方法，大部份情況自己拆線，畀返解碼器Cable，跟住自己買條一邊係F插一邊係電視用的U插嘅RF線駁返睇電視就可以，只有在自己駁線都睇唔番電視情況下才須找工程人員上門。如果真係睇唔番電視，Cable 要負責所有還原費用，但依你所述，冇問題噃，唔洗叫佢哋上門喇。
聽D人講好似唔out線會影響之後裝高清，唔知係咪呢？
Yes and no. 同樣視乎Cable的安装方法，大厦公共天線upgrade後，在某種Cable TV 的安裝情況下，確然要Cable TV 來善後住户才可接收數碼電視訊號，但這是大圍事，整座大厦無論有冇安裝或曾否安裝有線都受影响，同你個別住户有否out 線冇關係。況且幫你座大厦upgrade公共天線的承辦商也可從線路安排馬上知道是否要有線跟進，你放心好了。

2008-03-05 12:02:01 補充：
當然，如果駁返電視有雪花及接收不清，查証不是接線不良或電視機的問題後，亦應馬上找Cable 上門check。

你好。

如果你只係取消左有線電視，自己拆左部解碼器交返去的話，你仲應該叫佢地派人員去你所住既大廈拆去有關線路 (即係要out番條線出黎), 呢個係我舅父既經驗, 有線電視好奸架, 你唔主動要求, 佢以為你烏下烏下, 就唔理你, 如果唔徹底拆去有關線路, 會影響你日後接收其他電視頻道或者降低電視畫面既質素架。

謝謝。