今個星期日去黃金/高登出機要注意D咩?

我自己出機叫佢砌麻/買箱內硬件/LCD 就去開高登Cent_______d(唔打全名啦) (朋友砌另計)
1.Windows XP 齊買HOME 650 - 700$ , PRO依家應該1200以下 砌機買麻就唔清楚...你可以問下佢砌機跟OEM/HOME/PRO幾錢再格價!

2.你比人工費150$-300$(間間鋪唔同)叫佢砌麻部機既話 安裝OS應該係唔洗錢...正常都只係會幫你裝正版啦@@" 唔係正版佢唔裝

3.其他鋪我唔知...我去開果間....你去到比紙/口講比sales佢就印張,硬件型號+價錢表比你睇...你就睇下張紙d野 岩唔岩你心水..正唔正確!(佢唔會吹你 行個圈返黎都得) 正確既就比佢 ..之後比500蚊訂(唔記得係未咁小)..再比多張紙你(地圖)..果度係拎機既.. 之後會比個大約時間你去拎機(多數30分鐘->1個鐘啦,其實太多人砌機佢都係咁答你.....差唔多時間佢就ok..去到太多人未拎得 有得座既)

4.佢拎部機出黎 你就睇下D硬件盒個型號同張單既型號同唔同..個盒有冇保養貼紙/代理貼紙/說明書/保用卡...等等
到開機 第一,二下 可能開唔著...到開到機,佢會按停比你睇 RAM有機多,顯示卡型號,CUP型號,底板型號...你就睇清楚有冇錯,之後睇下機箱,火牛,顯示卡,底板既風扇 識唔識轉...等等 安裝WINDOWS應該入麻WINDOWS比你睇的...

5.全部野冇錯,冇事 攪掂....比錢走得..

6.清楚HD有冇比錯容量你 睇清楚條RAM 係DDR2 800定係比左DDR2 667你..係果間砌 試過比錯一次野我啦.. 我砌2部 1部DDR2 800 1Gx4 1部DDR2 667 1Gx2..佢張2條667變左800比我....所以你睇清楚啦 雖然比左高一級既我,都係同返佢講啦.. 如果係你要睇份人係點啦A_A 其實唔出聲佢都唔知既..(太忙)..都係果句睇清楚型號啦

7.件野冇貨既 佢印價表果陣佢會同你講冇貨,叫你考慮轉其他 你唔識就問佢...火牛一樣 你唔識既就問佢 多數都介紹有80PLUS既比你

8.機箱要轉既要加錢...睇樣睇功能睇料啦...

9.你星期日問下佢DDR2 800 2G單條幾錢..同分開1Gx2既差唔多錢既話 你可以選擇單條2GB...睇你自己啦...
500GB 依家多數750-800$ 要升級既都差唔多時間 一樣睇自己用唔用得著.... WD YS系列 貴小小保5年的
MP-A2N5 Extreme II..我2部機都用緊的..上年8月新機+老機升級 轉的...用到依家都OK!

PS: 3:-6: 係Cent_______d砌過先知小小 其他鋪唔太清楚,所以唔講
鋪 黑唔黑店好個人...我覺得真係睇人睇時間好唔好彩架炸@@

太長..應該都差唔多啦 可能打得好散 唔知有冇錯字@@
最後都係講多次"睇清楚,問清楚"

我自己幫襯開唯美,冇乜大問題.
centralfield就大集團,應該唔會賣假野.(不過其實而家應該都冇乜假野賣卦?)
海洋就不嬲個名都唔係幾好.
其他店我就唔清楚勒.
而家正版xp好似得oem賣,冇記錯好似六百零左右.
你唔識咪叫佢砌埋羅,一二百人工左右既姐,你乜都唔識最好比佢砌添啦.
佢通常都會開機比你睇既.應該會同你點埋野既.好簡單既姐.

你想要乜同個店員講佢會同你報價,你岩咪扑鎚,唔岩咪搵過第間.
cpu我建議買intel, 因為近來cpu的確係intel做得比amd好.
底板用gigabyte啦. magicpro我硬係覺得唔係咁好,雖然我冇用過.
inno3d我就真係唔建議用,真係好易壞.

你個list d野咁cheap我諗佢冇乜理由會換你d野既.....