熊仔鼠既年齡平均去到幾歲???

首先,熊仔鼠唔係老鼠,係倉鼠,老鼠會傳播疾病呢(了解自己既寵物好重要,所以要提一提)

A.熊仔鼠既壽命大約2-3年,最長命既我試過4年多,不過只係一次你既鼠八個多月,仲好年青呢
鼻附近既毛變白,會唔會係鼻下同下巴呢位?係既話可能係咬籠做成,咬得籠多易令呢位磨損,甚至出血
如果唔係呢個情況,就可能係因為年紀慢慢長大而慢慢變色既,好多鼠都會有呢個情況,唔係變白代表老呢

B.可能係我文筆唔好,其實我就冇話用木磨牙用品會好D,係話如果唔咬石,買專俾鼠用既木會較安全,鼠鼠咬唔咬的確唔係隻隻鼠一樣,要花多d時間同心機去試呢
鼠鼠唔咬磨牙石同木多數因為鼠鼠唔會覺得係用唻磨牙,舊石同木要唻磨牙只係人既想法,鼠鼠未必咁諗,咁就唔會去咬了,所以磨牙用品主要係安全衛生既情況下俾鼠鼠試下而已,鼠鼠野生既時候,主要係會去咬樹木,咬食物去磨牙,而木較接近呢個情況,所以就易D令鼠鼠接受

如果鼠鼠唔咬磨牙木同石,可以試下買木玩具,樹枝,又或可以試下鹽磚or較硬既食物棒(一支木,外面有食物包住)俾鼠鼠咬,可以一次俾幾樣野俾鼠鼠揀,但要留意,俾鼠鼠磨牙既野,一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠

食物棒係食物包住支木,鼠鼠食到入去會咬支木從而磨到牙,怕咁大支佢唔知要食幾耐,都可以拆走少少食物先俾鼠鼠,唔好買右邊咁大支,鼠鼠食唔晒既,但如果鼠鼠拆晒d食物先,得返支木都可以留底俾鼠鼠咬下
　
圖片參考：http://i176.photobucket.com/albums/w162/kelvin320/080202-1.jpg


鼠鼠唔磨牙就要留意多D鼠鼠既牙有冇長到合唔埋口or食少左野,有牙過長就一定要搵醫生同鼠鼠剪牙,倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,所以鼠鼠係好鍾意咬野

C.如果個籠係通風式,好多鼠鼠都會咬籠,但唔好由佢,一來咬甩d油食落肚唔好,二來咬得多好易令鼠鼠鼻下同咀下甩毛甚至損,而且都幾嘈下,可以換過個籠,亦可以教下鼠鼠

教鼠鼠唔好咬籠既方法:
一.首先要同隻鼠鼠熟既先,唔熟好難教得識(你養左個半月,又懂得點同鼠鼠開始熟,應該都同佢熟到,但都提一提吧^^,相處冇問題就可跳過呢點)
如果鼠鼠顯得同你生疏左or未熟,搵兩日唔好打擾佢,再試下以下方法同鼠鼠慢慢熟絡:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

二.同鼠鼠熟左之後,我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次
熊仔鼠比其他細鼠易教,所以俾心機吧!


2008-03-05 02:27:58 補充：
原來如此,諗唔到係咁添,真係唔好意思^^
鼠字咁打:速成-HV 竹女,倉頡-HXVYV 竹難女卜女