想問d意見~(Canon and Sigma)

1.好難講會再跌價幾多,我估如果450D一出,淨機身可能跌到4000左右.去到下年年頭,分分鐘再有新機出,可能進一步跌到3500.
2.呢兩支鏡來講,Sigma最好就係多個macro同埋平.合乎你想影近嘢既要求,但係要留意佢最大放大率只係1:2,放大率比正式微距鏡的1:1細一倍.但係支鏡出名對焦慢,影飛機都仲可以,再快既嘢會好難影.而且支鏡冇防震,要預咗經常有機會用腳架.
至於Canon最好就係有防震同埋超聲波對焦,一次過解決咗手震同埋對焦唔夠快既問題,不過就冇咗macro,放大率得翻1:4.
似乎Sigma會較適合你,但我建議係如果影近嘢唔係必要,必選Canon,對焦慢同冇防震會用得好唔就手的.
以下網頁有鏡頭的review
http://www.photozone.de/Reviews/overview
Filter用途有好多種,詳情可參考以下網頁.一般人成日講的filter其實只係UV filter,在菲林時代用來瀘走紫外光,但來到數碼年代,感光完件實際上不受紫外光影響.UV filter其實只係一塊保護鏡免刮花鏡頭.
http://www.wahyan.edu.hk/ylchan/photo-course-html/filter.htm