樓宇轉名一問(送契與一買一賣)

其實我之前亦答過其他人呢條類似問題，

答案如下︰

你應該要做既係︰ 轉名及還舊按新手續

1. 同銀行傾，“還舊按新”，意思即係以你一個人名(新業主名)申請新按揭，得到貸款後便可贖回舊有的按揭。

2. 搵律師行，做四份文件 (不過由於你地無親屬關係，如樓價超過一百萬以上，就要分開兩間律師行做，除非你買埋你男友果份權益啦)，簡單d講，你買埋你男友果份
a. 買賣合約 (Memorandum of Sale and Purchase / Agreement for Sale and Purchase (舊業主︰你男友；新買家︰你）
b. 贖樓契 (Discharge / Release)
c. 樓契 (Assignment) (舊業主︰你男友；新買家︰你）
d. 新按揭契 (Mortgage) (新業主/供款人︰你)

3. 律師行會準備2a文件比你地簽，當你地簽完2a文件後，把2a文件影印本交給銀行 ，當銀行批核後，銀行便會把有關文件交給律師行做2d文件

4. 把現有按揭貸款號碼交給律師行，律師行會通知銀行舊業主要贖樓，要求攞番d樓契出黎，律師樓收到契後，便可以做2b, 2c, 2d 文件

5. 當所有文件簽妥，律師樓會把2a, 2c文件拎到稅局打厘印，並把2a-d文件拎到土地註冊處登記註冊

6. 律師樓會把所有契及以上geh文件送番去銀行(因為物業抵押左比銀行)，當你第時供完樓，便可搵律師行做贖樓手續

其實你可以和你男友協議，自己出面交收樓價，不經律師行，當然律師行要你地簽番文件。


注意︰
1. 要比政府厘印費，二百萬樓下geh樓，厘印200（其中＄100厘印費要打落2a ，而另外＄100打落2c

2. 律師費，大概為５０００（每間律師行收費不同）另加雜費︰包括土地查冊費(約二、三百元)；2a-d文件註冊費用(一千五百六十元)；影印車資（約四百)；另加厘印費

3. 如新按揭銀行所批核的貸款是少過舊有的貸款，你必須另外攞錢出黎
例如︰新按揭批一百萬比你，舊有的貸款仍欠一百一十萬，咁你就要攞十萬蚊出黎還款）

***************************************************************

我唔建議你做送贈契(Deed of Gift) ，因為好多時，銀行都唔會批按揭架！就算將來，你有機會賣出，將來的買家亦唔會買，因為好似上面位朋友所講，破產管理署有權追番破產者3年之內(如無記錯的話)的資產，所以一般來說，銀行都係唔會批
***************************************************************

無第三種做法架啦，講笑咁講，因為係長命契，固名思義，就係 A 君先於B君去世，咁B 君便會自動成為業主(當然要把A君的死亡証登記於土地註冊處)，我不是有心冒犯。

長命契是父母聯名, 現在想送贈給兒子, 是否要打厘印費