考車問題: 葵盛圍考車程序

首先講吓個步驟 :
1) 泊位 (其實泊位無難度,只要用返平時學車個方式就一定完全無問題,因為個車位係唔會走又唔會變)

2) 開車離開試場考"調頭" (呢度就要留意小小喇,因為當你第二手軚倒後然後再轉第三手軚向前,由於條路係暗斜關係,部車係會自己溜前,所以一定要確定已入1波同小心控制剎車掣)

3) 出街 (由於調頭後再出大路,那段大路係一條斜路,所以要小心留意車輛,唔好太心急出車,然後保持行車距離同速度,盡量靠左行駛)

4) 斜路開車 (呢個又係用返平時學車個方式就得喇,只要唔好太心急,慢慢放"極力子"同比油,咁就好易過關)

5) 返試場 (呢樣就同路試一樣咁行就得喇,不過要小心唔好阻住後面D車,有乜問題你可以打左邊燈停一停車,讓後面車輛先行,當返到試場停車時,呢幾樣就一定要緊記, 1.拉手掣 2)入OFF波 3)熄匙, 最後加多句禮貌說話:唔該呀SIR)

希望幫到你啦, 不過要記住, 路面情況千變萬化, 好難講會發生乜野問題, 但只要放鬆心情, 多D睇鏡, 留意前方車輛. 如果覺得緊張, 可以係每次開車前做幾吓"心呼吸"絕對有幫助嫁!!!

thank you very much for your answer.