愛情...定麵包..??!!

做為一個過來人, 我就好唔同意之前兩位的意見啦!!

當然一個有經濟基礎的男人比一個初入社會的男仔更受人歡迎。但在你的情況來看, 唔應該用d 太短視的眼光去睇問題。
你現在的男朋友一個初入社會的人, 佢的前途可能不可限量. 可能佢現在佢見識不多, 也可能對你感情變淡. 但你始終都係係佢的初戀情人, 佢感情生活中的第一個. 你試諗下, 如果佢有日成功著, 對佢來講, 係你呢個不離不棄的初戀情人重要, 定係外面的年輕後生仔重要呢?

一個經濟條件好, 想找一個女仔, 佢有好多選擇. 佢今天選擇著你, 但佢也可以選擇第二個. 對佢來講, 佢不論有幾中意你, 你都只係佢的一個選擇(當然對你來講, 佢都係你的一個選擇). 對你的初戀情人來講, 你郤是佢的唯一, 就算日後你地不幸要分開, 你都係佢的唯一. 從另一個方面來睇, 今天呢個條件好的男人, 心中可能都有一個唯一, 係你冇可能代替。

不用講, 你在佢兩個人心中的位置邊個重要都好明顯. 而呢兩個男人的經濟條件看似不同, 其實根本差不多: 有幾個初初出來做野的人唔係好低人工啊?? 你知道你男朋友對你好, 就算佢唔一定很叻很有前途. 但佢為了你, 難道唔會努力工作上進?? 佢的努力一定大部分係因為你!!! 但另一個男人, 佢有錢有前途, 但其中有幾成係為你而做呢??

女仔真係要識為自己打算! 做人一定要現實, 但千萬不可以市儈ah....現實的生活, 唔係只有金錢ga. 呢個社會有幾多有錢人的生活好不幸, 仔女問題多多; 又有幾多普通人家開開心心, 細路好乖好出色呢?

希望你會開心快樂!!

2008-03-04 10:17:42 補充：
付出o既真心..真係有錢都買唔到...除左物質上...其他佢真係做得好好....真係完全感受到佢點為我...我好想好想知..係咪因為年紀小...?!!!!!唉....

我用男人的心態答你呢個問題: 對於一個男仔, 佢的初戀情人一定是佢會全心全意去愛的人. 年紀越細, 對人情世故越不了解, 感情就越強. 而呢份感情一旦產生著, 就永遠都不會忘記. 因為呢個係人生中最最真的感情. 當他開始成長, 對人情世故了解多著, 就會好明白以後會不會再有呢種感情,他會好珍惜它. 而呢份佢人生最珍貴感情中, 就包括著你。所以不要以為你男朋友年紀大著, 就會對你感情變淡

2008-03-04 10:17:49 補充：
對於你擔心佢年紀細, 以後會變的問題, 其實一個男仔變成一個男人,通常最大的改變在於佢的上進心, 事業心. 佢現在可能睇唔到咩大發展, 但有一句老話, 叫"莫欺少年窮".社會上太多成功人士, 在佢發奮之前, 都係d 小人物。

最後一句: 其實依家的社會, 物質生活都唔會差到去邊. 你希望生活好d 當然好正常, 但千萬不要為著追求物質而連做人精神上的快樂都放棄埋

哇~

如果你講到佢咁好(尊業人仕)今日可以搵你, 沒必其日佢會找其他女仔OR其他女都會去搵佢拉~! 你自問自己真係咁吸引到佢?, 而佢都會為你一條心?

旦雙反你之前果個話晒都咁多年感情, 我想佢點都唔會對唔住你掛, 仲要係你知道佢會對你一條心, 唔係見唔見識過先會一條心, 尼D野係要睇個人.

你如果選擇尊業人仕, 咩都要從新黎過, 感情同性格上又要配合, 同可能沒必真心, 旦你之後會沒左一位對你好好GA男朋友, 浪費左幾年感情., 你會覺得用一個真實愛情去換一個虛幻係愛情值得咩?

如果真係好想屋企將來生活過得好GA話!!!!!我覺得尼D係要大家都要努力!!!

而唔係全部責任都要推晒係你男朋友身上. 唔好比借口自己.

如果係我知道女朋友咁選擇GA話, 我第一個走~!
如果只想將來生活過得好, 旦全部責任堆晒係個男仔身上, 尼D女仔我唔要好過要~!

2008-03-04 15:13:57 補充：
唔通你係D可以共渡富貴, 唔可以共患難ga女仔?

條件遜色果個都係岩岩先出黎做野, 佢E + 搵得少, 唔代表佢之後都搵得少, 只要佢有 "上進心" 既, 佢一定會有出人頭地既一日。你地都一齊左一後時間LA, 應該大家都好了解大家, 如果分手唔係因為佢做錯野, 而係因為你識左第個既, 咁我覺得你後悔既機會好大。

佢對你既好, 你唔會忘記, 而且好可能如之後既BF比較, 就會覺得後悔...

不過, 我覺得你自己心內都對你 BF有D "嫌棄", 你自己都可以諗下~自己一直
進步既同時, 你BF只係原地踏步, 你接受到嗎?

愛情是不能吃的。如果一個無本事的男人，多愛你也沒用。如果你認為月入一萬元那個將來會有出色，才好選他。

我好同意上面果位ge諗法~~~
你要記住人要生存就一定要靠糧食~~~
愛情有幾多有幾充裕都好,都唔會填飽你個肚~~~
到時唔單止你無得食,連你d細路仔都無得食呀~~~
條件比較遜色d依個啱啱出黎做野未完全見識晒依個世界先係咁啫~~
當佢知道依個世界咁多采多姿ge時候就唔會係咁ga啦~~~

你都唔想60歲都要做野ga?????
不過最後都係你自己決定ge,我只不過比小小意見你啫~~~

見到你咁情況都幾痛苦, 但我好實際我會選麵包, 如果佢養唔起我就算有愛情, 我都唔會同佢一齊, 你想想, 到你60歲都要工作幾慘。