買車後換鎖

如果唔怕麻煩，你可以去D汽車用品店買倒呢D門鎖，呢D門鎖一般分三至五個匙膽，蘇力史呢隻牌子都幾唔錯同穩陣，可以好似普通匙膽咁鎖同用鎖匙鎖死度門，用鎖匙鎖死度門既好處係，由於有部份類型車既門設計，即使用左防盜中央鎖鎖左門之後，仍可以響車外好似D戲偷車咁，用鐵尺楝開或鐵線勾開門鎖，鎖死左至少唔會好似原裝鎖咁咁易開，因為一定要爆鎖，呢D匙膽三幾百蚊一set，睇你買幾個匙膽，裝工一般2-3百一個匙膽計，撻車就用返原本條匙。

如果你怕麻煩，想開門撻車一條過，可以去D劏房搵返架同型號既車全套門匙膽同撻車匙膽，但咁未必間間劏房肯拆黎咁賣，有都應該幾貴，呢個你要自己搵搵同問問，而裝工約千幾二千。

其實如果你只係想安全安心，唔介意用多少少錢，我建議你不如暫時用住原本條匙，將換鎖呢D錢，裝返套好少少既晶片防盜或隱形cutout防盜，落多兩隻儲電WO好過，記住搵間好D既裝，唔好求其響果D汽車用品店裝，因為果只可以叫做搭著套防盜擺上你架車，認真黎講只叫搖控開鎖，對D賊完全無作用，亦唔可以叫裝，呢D叫擺。有多餘錢先再淨換門匙膽、包軚盤軚鎖，最後腳鎖，咁都好夠架喇！

晶片防盜連兩隻儲電WO裝埋約千幾二千，隱形cutout防盜連兩隻儲電WO裝埋約二千幾三千，包軚盤軚鎖約六七百，腳鎖約四五百。

最後就係，無論你裝幾多野都好，裝得自然拆得，有心偷你點都死，裝幾多都只係希D賊人取易不取難，同響賊人出手時盡量拖延時間。

車輛既鎖係冇得換 ka. 佢唔止係開明 ka ma. 仲係撻火 ka tim! 故換防盜會較平較容易 lor. 一般幾好既防盜, 都係千餘元之嘛. 如果自己出老旺買, 有 D $400 到 ka 咋. 不過未包人工的. 通常人工一般 $300 咁上下.