小巴 vs 所有交通工具

1) 各交通工具都有其好處及壞處, 因此沒有一種特別優勝於另一種.
小巴也絕不是絕對的勝利者.

2) 小巴的利:
快捷---較巴士而言, 小巴路線比較直接, 而且行公路會快過巴士好多.
有位坐
價錢比較公道---
通常貴巴士少少, 又比的士平. 但賣點係快過巴士, 因此仍有一定客量.
如果分段既話, 有機會平過巴士好多, $2.2, $2.9, $3 等等, 坐巴士通常要$4.3, $4.7, $5.4 左右.

班次較密---某d 線或某d 時段, 唔係點等都有車.
譬如青山道van 出車海, 觀塘往西環0700 之前又係出車海.

服務時間---通常開得早過巴士頭班車, 都幾多人坐.
彈性大---可選擇唔塞車既路行, 不似巴士咁要局住塞死在路中心.


小巴的弊:
唔穩定---1) 班次唔穩定, 2) 路線唔穩定, 3) 車程唔穩定, 4)車費唔穩定.
1) 班次唔穩定
其一, 繁時好多線要等好耐, 如金雞-華富紅van.
其二, 我試過等西環紅van, 三班車都只係坐10 人左右, 但一樣唔做我生意, 行快線走人, 我都唔明點解會咁. 結果我第四架先上到, 等左40min......(我若是坐巴士既話, 已經去到目的地了.)
其三, 等齊人先走個款, 又係唔知要等幾耐, 尤其非繁忙時間.
2) 路線唔穩定, 佢鍾意又兜下呢度, 唔鍾意又唔兜, 你要去哪裏截車好呢? 同樣係西環van, 見到紅隧條龍, 車上只有10 人都照上佛光街, 咁你咪理應可以在何文田截到呢d 小巴?
3) 車程唔穩定先慘, 繁時同你死飛爛飛, 但非繁時呢, 慢過你坐電車, 一路慢慢碌燈, 慢慢等客.
同埋, 有好多司機博懵行巴士專線, 如果比差佬捉到呢, 你遲大到都得啦................因為你唔可以過車.
4) 車費唔穩定, 晨早西環返觀塘 $8 或$9, 視乎你好唔好彩.

司機態度麻麻---有時落雨上一架小巴, 問佢係咪經某處, 佢仲罵你:遇著你上車唔好彩係啦, 之後仲一路同對講機講:唔好比肥強爬我頭, 我而家4 個客都唔執啦, 肥強行我前面, 下一轉就唔駛做......

車費有時好貴---如西環/觀塘van, 過海後往觀塘收$7, 超貴.
唔知邊度上落車, 因為冇站, 要睇下係咪禁區.



以上乃就紅小至言.

1.小巴未必可以勝過所有交通工具,但的確係一種唔錯o既交通工具。

2:小巴的利
1.輕型,快捷(比巴士輕,快)
2.路線多(比其他交通工具多)
3.一般班次多(彈性大,班次可隨時調動)
4.站多(短線好)
5.不擠迫(比地鐵,巴士好得多)
6.不算貴(比其他交通工具算中價)
上面係小巴比其他交通工具好o既地方
但係都有不少弊處
1.危險(經常超速)
2.不清潔(好多人係架車到畫野)
3.司機冇禮貌(有d司機問下路就好似同佢有仇咁)