✔ 最佳答案
其實我覺得，要感動一個人，尤其是女仔，唔一定要有咩好貴重既禮物或者花，只要你對佢有心，對佢好，佢就會好容易感動架啦。
咁樣講可能太籠統，不如換個方式再講。如果你真係鍾意一個人，你會不知不覺去留意所有有關佢既事、佢既喜惡、佢既一舉一動、佢既情緒等等。只要你了解佢多左，你就會知道佢有咩興趣，可以約佢一齊去做，或者買d啱佢心意又真係對佢有用既小禮物送比佢，係佢需要既時候唔駛佢出聲都會出現幫佢。有時一d好小既心意，對佢既體貼，一d不經意既貼心舉動同說話，一點支持，已經足夠感動人，即使一次唔夠，很多很多的小小感動累積起上黎，就已經好有可能變成鍾意。
當然，對一個人好並不是盲目地附和佢所做既每一件事每一句話，支持佢所有既決定。而係真心由佢既立場做出發點，幫佢分析利害，同佢一齊決定一個真係對佢好d既做法。
唔好意思，講遠左……如果你咁都驚唔夠，女仔亦好容易會比人地親手做既而又有心思既禮物感動到，可能你會覺得老土，但我真係覺得works。你可以試下由今日開始，將你每日對佢既感覺，點解會鍾意佢、你地相處既點滴等等，寫在一本日記度，等一個特別既日子，例如表白既一日送比佢。我有個朋友既男朋友係表白個日就係送左本日記比佢，當然，佢都仲做左其他野，我個朋友非常感動。
2008-03-08 22:44:28 補充：
要感動到令一個人愛上你，並唔係一次兩次一時三刻既事，請記得要有恆心耐性。而且刻意既討好唔係一定係好，最重要既都係真心既關懷。
