美國三藩市工作及定居，生活指數如何?

Hi,又係我.本來三藩市唔係甘熟就唔答,但見係post咗幾日都冇人答.今日公司唔係好忙.就打咗個電話俾係SF嘅朋友.
而家係SF,一個中學畢業嘅初級文員.入職大概千八至二千二.(美金,下同)
衣食住行內.衣同食可慳可豪.所以唔講.
住:如果你地唔係完全唔識英文.就唔使住唐人街.因為會較貴到環境較差.出面OK嘅一間二佰呎套房,另包迷你厨厠.自己門口出入.由八佰至近二仟不等.睇你邊個區,同個包租攞.如果交通方便嘅就會貴啲,雜D.冇地鐵,火車到嘅區就平D,靜D.但係要養部車,都係一條數.
可能要睇你地返工地點有冇車可以到.宜家油貴.養多架車都幾金.

2008-03-04 10:35:31 補充：
講到養車.買一架新車.好似Honda,Toyota啲平嘅細車約兩萬起.月供300左右.問題係新移民冇credit.會借唔到錢或者利息好貴.如果買易手.最平二,三仟買到架.不過甘嘅價諓.除咗行得郁,都唔好其他要求.
買咗架車就要買保險.正常千伍一年,新移民要俾到二仟左右.如果每日上下班,共個半小時車程.就大約二百蚊油錢一個月.
仲有揸舊車,每个月預返100-150整車,保養.

2008-03-05 20:38:21 補充：
大部份美國人鍾意狗.只係你隻狗少放20磅.絕對無問題.20-50LB就可能有D房東唔肯租.你住係HK.睇怕隻狗唔會重過50lb啩?
BTY,我朋友住係Millbrae.近SF機場.佢話個區唔錯.不過要揸車.