~~~迷你貴婦狗~~~

其實任何狗狗既性格都要睇返狗狗本身既爸爸媽媽,加上一開始主人係點教佢,poodle係屬於聰明,其實只要你有耐性,好易就會教到,我識既poodle隻隻都好易教.

狗狗bb係特別怕凍要小心d,而poodle雖然算係長毛,但係毛毛唔算好多,而且體積較細,冬天個陣最好比件衫仔佢著.

其實冇話香港出世值幾多錢,有d貴婦個種較靚,例如佢爸爸媽媽都拿過奬,當然呢d價錢較貴,同埋如果你係d大型寵物店買都會較貴,但係會有保障多d,因為有部分狗店係會售賣病狗比d客,要小心d留意下,貴婦有d賣1800-幾萬都有,最緊要睇你自己既要求,如果你係想養隻父母都拿過奬,個d就要一萬以上,而且特別顏色既poodle都係特別貴,例如: silver colour,即係灰色既貴婦,個d都會特別貴,如果你只係想養隻狗狗,唔需要佢拿過咩奬,我會建議你買自家繁殖或者係大型d既寵物店買,係自家繁殖個d買最緊要睇佢本身既爸爸媽媽,同埋要睇埋佢既針卡,可以的話帶隻狗狗睇獸醫,check真佢有冇病,例如狗瘟等.

$8000抵唔抵真係見仁見智,如果有拿過奬就唔貴既,不過小心D揀,唔係有咩病就唔好LA.

最後恕我多事講句,養狗狗唔係你既一生一世,但係佢既一生一世,真係買左隻狗狗後,無論佢第日乖定唔乖,有病或老,你都唔好遺棄佢,仲有佢要用既錢都唔少,例如:睇醫生,打針,用品,食糧等.加上貴婦需要每個月去美容,因為佢地毛長得好快,如果想節省D,就自己去學幫佢剪毛

要認真諗下.我自己隻狗狗係領養,個人認為領養更幸福.