o係呢8個月裡面，有甜蜜，有痛苦‧‧‧
不過，我想，都是我一廂情願吧...
鍾意左佢2個月後，我就表白了
我寫左o係佢本notebook到...
佢冇拒絕亦都冇接受....
因為係同校...亦係好朋友...
日日都見面，一齊玩，一齊補習，一齊番屋企...
過左2日後，我終於問佢，點解你可以當乜都冇發生過?!
佢話，因為我只係想我身邊gea人開心，即使我唔開心都唔緊要。
好內疚‧忍唔住打左比佢...喊左好耐,,淨係一味咁講"對唔住"
跟住就好開心咁一路傾電話...
o係佢生日gea時候送左一樽星星比佢
其實佢一直都放唔低因為o個個令佢變b gea人.
半個月之後，我就冇再補習了.
每日放學之後佢都會陪我同其他frd一齊留o係學校.
有時d frd 唔得閑得番我同佢, 佢又會因為我叫佢唔好補習而留低陪我.跟住一齊番屋企.
學校仲有人傳話我地有野.
但係我知佢係唔會鍾意我.因為佢仲未放得低佢曾經深愛過o既人.
我好唔開心.就係因為咁.我介手.
跟住我o係網上面識左個b.佢好好.佢好鍾意我.我就左佢一齊.
佢知道我同左一個人一齊左之後佢對我更加好.
5日後.我發覺我根本就放唔低佢.就同佢分開左.
有一次.外國有個知己番左o黎hk, 就一齊同佢去海滂飲酒.
我冇飲到.淨係陪住佢.
其實我知佢係好唔開心先去飲.佢仲忍住唔喊.係到笑.但係我都睇得出.
我就問佢.你做乜要忍o者?
佢話:因為我唔想比你見到我喊你又喊.
跟住佢笑笑下就喊左出o黎.我個心好痛,就飲左一灌.
去左個frd屋企,佢已經醉醉地.跟住就嘔.我就幫佢抹地,,清潔….佢就o係到訓覺.
我就一路抹一路喊.因為好心痛.
過多幾日.外國個frd就話有個新男朋友.帶我地去見佢.我跟住我又話想飲酒,就去左尖咀星光大道飲.今次到我醉.開頭o的 o野我都記得o既.就淨係記得我o係地鐵站抱住佢喊.
跟住我個frd話比我知係佢送我番屋企.仲話知我講左好多野比佢知.
o個次之後佢同我就更曖昧.
出街拖手.幫我拎袋.係地鐵站擁抱.做盡情侶會做o既事.只係冇kiss.冇佢口中講出o既甜言蜜語.雖然成日鬥咀,但係呢一兩個月過得好sweet.
但.我知道佢唔係鍾意我.
之後有幾次去飲酒醉左佢都送我番屋企.
直至到上個月.佢同左一個暗戀亦都可以話明戀佢o既人一齊左.
知道左之後我乜o野動力都冇哂.完完全全係笑都唔識笑.
一直都覺得佢係唔會鍾意佢.
佢亦同我講過佢唔會.但….
佢同我講對唔住.佢自己都唔知自己點解會鍾意佢.好多謝我對佢o既愛同埋我所為佢做o既一切一切.
原來一句多謝一句對唔住就可以將我對佢做o既一切變成回憶變成過去?
我可以點做?!
一個幾月喇.我仲好愛佢.
放不低唯有只可以等待.
但.時間真的可以沖淡一切傷痛嗎?? 為什麼過了這麼久我的傷痛一點也沒有減少反而心裡比從前更感傷痛??
誰又可以聆聽我的痛苦?!
更新1:
其實d frd一d都唔鍾意佢地一齊.什至係唔識o個d人都覺得好奇怪. 每日見到佢地o係學校親熱我個心就好似比人插左一萬刀咁. 跟住番到屋企用電腦見到o個個人講到好sweet咁又好心痛. 唔想睇到佢地發生咩事但係又好想知. 我係咪犯賤?! 到宜家我仲未接受到佢地一齊o既事實. 每做任何事我都想起佢.每看見任何事物我都想著他. 救命牙!!我個心就o黎爆喇!!!點算牙?!