✔ 最佳答案
如果真正的模特公司係不用比錢的,如果要比錢,就最好小心d,我覺得依家這些公司都好識走精面,我自己有一個經驗,都係要比錢影相的,之後佢有比job我做,包括影下報紙的副刊同雜誌,每個job由500-1000元不等,聽落好正,就做啦,但原來頭3萬銀你都係無錢羅既,原因就係佢話公司出左錢幫你做宣傳喎,介紹你比報紙雜誌,而公司無收你錢(宣傳費),而係等你有job先還返比公司喎(但唔係成日有job架!) 好啦,還晒3萬你先有錢袋,但唔係袋晒喎,公司又要收佣金,500公司袋200,你實質得300。時間,金錢(公司會要求你著o羊衫,化妝,佢無提供架,你自己準備) 我覺得 浪費左好多,結果未還晒3萬我就頂唔順佢,無再做,結果當然一毫子都無啦。哈哈,呢個係我自己親身經歷o既,我唔敢講你女朋友果間都一定係o甘,我亦唔希望佢果間係o甘,但希望你知道左不妨話佢知我既經驗,提醒下佢小心d,睇清楚問清楚份合約內容(影完相或之前會簽合約),或者你陪佢去啦,佢可能會唔多信人地講,一意孤行要試,你話佢就盞隘交架o乍,所以你當支持佢陪佢去,幫佢聽下公司講d野啦。