我有d野證實一下?麻煩大家幫一幫忙!!

老實說...
你的說話有點兒矛盾呢...

如果你是暗戀的話...或多或少也會有點喜歡那人...

而示愛呢...
如果你面皮夠厚的話...
可以每次到補習社都坐係佢附既位置(唔清楚你補習社既坐法)
一句兩句咁同佢傾下...
等到過左一段時間之後...(你認為適當既時候)
可以問佢拎msn之類...
之後再拎埋佢電話等等...
等到培養出一定既感情之後...
你可以係平時同佢一齊既時候...
係對話裡面暗示你鍾意佢既意思...
相信佢都應該會俾番少少反應你...(如果佢玩你就另計)
同樣你覺得時機成熟既話...
可以直接同佢講你想講既野...


最後呢..
有點掃你的興...
不過也建議你先想想這些問題
好像..
你是因為她的樣子而喜歡她..?
還是因為相處而久了而喜歡她?
你有信心在發展了這段感情後,
有能力維持這段感情不變,
而不是像夕陽般一樣?
再簡單一點的問題,
如果發展了一定既感情之後,
佢突然唔補,
咁又點呢?



大部份都係自己加上朋友之間互相交流得番黎既經驗,
希望可以幫到你少少,
當然對你來說可能是不太實用的。
而最後那些問題,
也希望你能夠先想一想,
雖然有一些可能比較未來性的,
不過也值得想一想。
雖然說:愛是沒理由的....

2008-03-01 00:50:54 補充：
對話內容最主要都係可以問下佢有咩鍾意,了解多少少佢平時既生活習慣等等。

以上果D人講既 雖然係岩...
但係係人都知啦..= =

你中意人你有FEEL架嘛, 點會唔知架..
好似你唔中意一D野, 你會知你唔中意, 唔想有接觸..

好簡單..唔洗咁復習..

我覺得你唔好同佢示愛...
因為你都識講, 你係暗戀緊佢...即係單一既中意
你咁樣示愛, 等於同佢講絕交冇分別...
識都未識就同佢咁講..
就連朋友都冇得做呀, 唔好話一齊..

你應該做返自己應該做D野好過啦, 玩呀, 讀書呀, 做返D正常野
從而增加自己既自信心, 就會不知不覺同佢SAY個HI呀..
吹水呀, 玩架啦..

到時你先好諗點溝人啦..

同人一齊係要時間架..
個女仔唔係物品,唔係話你中意就要即刻到手..

SO你都係聽我講啦..=)

鍾意一個人既跡象
1. 見到佢果陣會心跳加速,口齒突然間變得好唔伶俐
2. 當佢響你視線範圍之內，你會扮睇唔到佢,當佢離開左你視線範圍之內，你就會勁望佢去左邊,趁佢背住你果陣，即時猛望佢背脊
3. 見到佢開心，你自己都會暗地裡開心
4. 一班FRIEND食飯果陣時，希望有意無意咁坐響佢隔離
5. SEND SMS俾佢果陣時，會好介意自己GRAMMAR有無錯
6. 當佢唔舒服果陣，你就會勁叫佢睇醫生（但係自己平時病果陣又唔會去睇）
7. 好想佢送D野俾你，乜野都好
8. 成日留意佢既言行舉止，睇下佢係咪對你有野
9. 若果見到佢同異性傾計果陣，你會想知佢地會傾D乜
10. 不斷打聽佢既拍拖歷史
11. 偷偷地幫佢執手尾
12. 響手機度禁佢D相出黎睇
13. 同佢既FRIEND變得好FRIEND
14. 成日去佢經常出沒既地方留連
15. SEND SMS之前之後都會不斷返睇自己SEND左乜野俾佢
16. 主動借D書、碟俾佢，製造再見既機會
17. 習慣每晚都會睇佢個BLOG
18. 好想講自己既野俾佢聽
19. 兩個人獨處時候有DEAD AIR會感到十分尷尬
20. 經過佢屋企時候會望上去或者響下面停一停
21. 不論內容係乜，SAVE晒佢俾你既SMS
22. 做垃圾佬，總之任何關於佢既野都要KEEP
23. 成日自己估人地對你有無野
24. 覺得佢梳乜野髮型、著乜野衫都係OK既
25. 佢一講野果陣就豎起耳仔，但係又扮成唔係聽佢講野
26. 因為諗起佢，行行下街都會無啦啦笑左出黎
27. 會刻意同佢鬥嘴
28. 若果佢讚你靚果陣就會KEEP住呢個LOOK
29. 同佢MSN果陣，若果佢覆得唔快，就會好失望
30. SEND俾佢既聖誕同新年SMS會同其他人唔同
31. 唔捨得熄電腦，怕佢隨時ONLINE
32. 突然間對所有異性失去興趣
33. 人人講緊一D情情塔塔既野果陣都覺得講緊自己
34. 覺得若果同到佢拍拖，一定會好幸福（就算佢同你唔熟）
35. 覺得大家都OK襯既（就算身邊人人反對）
36. 對佢特別小氣
37. 經常對自己既言行舉止好後悔
38. 人地問你係咪鍾意佢，你會答「痴線﹗」
39. 如果你一路睇/聽呢段野一路諗起一個人既時候

2008-03-01 00:58:17 補充：
你地幾大先?
小學定中學?
小學就唔好諗呢d住,因為未成熟
中學既話
你可以多d聊佢傾計
可以借d2問佢功課或者佢d成績(如果見佢唔中意即停!!)
唔好蝦佢(一d佢唔中意既行為)
留意佢有咩興趣(唔好直接問佢d fd,女仔fd一定會講比佢知嫁!)
知道佢有咩興趣就扮到對呢樣野都好有興趣問佢有關呢d野既事
慢慢黎實得既

你都話暗戀左人地嘞 , 但又唔知係唔係鍾意左佢 ?

点搞ga你 ? 你肯定係鍾意人地喇 !

示愛 就暂时5好住嘞 . . . . 太心急了 ~

同佢多D倾計 多D了解 , fd D 先喇 .