有關DCPIP試驗結果

✔ 最佳答案

一支純vit C 係冇色, 加落有色既DCPIP, 會整走DCPIP 既色, 係咪先?
如果支果汁有一d色素係唔受vit C影響, 實驗完左, 隻色素會顯現番出黎. 例如橙汁加落DCPIP, vit C reaction完成了, 本來橙汁既黃色會留低, 唔會全透明.
你個case亦可能係 vit C reaction完成了, 本來既綠色/啡色出番來. 只不過因為冇左vit C[酸性的, vit C = ascorbic acid 吖嘛] 酸鹼度有所改變, 所以色素會有偏差. 好多食物色素如提子汁, 紅椰菜汁[紫色的], 和花瓣提取既色素, 甚至咖哩既黃色素, 紅茶既啡色, 遇到pH變化, 都會轉色, 所以, 加落DCPIP出來轉左有顏色, 一d都唔出奇.
你想知到底關唔關pH既事, 可以用佢做2個小實驗:
1/ 將試管A原本綠色試管B原本啡色既汁加d小量鹼性如NaHCO3, 可能會有顏色轉變成藍綠色和中紫色. 如果是的話, 好大可能你頭先個實驗中, vit C已經react完了, 只是食物色素在搞鬼.
2/另一個實驗係將 DCPIP用水稀釋, 用相同份量的 A 汁和 B 汁. 假如好似樓上兩位咁話係唔夠vit C, 今次 DCPIP減少, 應該夠啦掛? 如果result 同頭先一樣, 即係唔關vit C含量既事. 如果唔一樣, 今次係出番 A 汁和 B 汁本來既顏色, 就可以證實係第一個實驗vit C不足啦.
當然, 如果你個實驗做完晒, 而家做緊report, 唔可能番做啦, 咁就寫係個Discussion度, 話係實驗可以改善既地方, 包你有分加!!

回答 (1)