衰左1.9克k仔”受過更新中心守緊行為”

1. 先唔講你單k仔. 你重有1個月先守完更新中心行為, 但又犯法. 你會被recall, 即係番更新中心再服刑. 幾耐就由中心決定.


2. 再講你單k仔. 根據上訴庭在98年5月26日所訂下對氯胺酮Ketamine (K仔)的判刑指引, 販運25克以下的K仔可以藏毒為交替控罪, 判刑由法官決定. 25克以上屬販運危險藥物罪. 25克至400克以下判刑是2-4年監禁. 400克以上至800克以下判刑是4-8年監禁. 800克以上判刑是8年以上監禁.


你販運1.9克K仔, 算係藏毒. 本來普通人就會罪款. 但你有案底兼在守行為期間犯事, 雖然之前案底唔關毒品事, 但亦顯示你教極都唔改. 所以今次藏毒唔會判罰款. 會判勞教中心. 刑期會在你完成recall後分期執行.


3. 其實你根本無求情理由. 請唔請律師無分别. 但你呢單應係court仔 (裁判法院)案, 你可請當值律師 (免費)求情, 聊勝於無.

香港法例第221章第109A條規定，你的情況法官要先傳召報告，除非法官認為無得諗，只可以判坐監。

得罪講句，已有前科，仲要嚴重 ( 老笠點講唔嚴重呀？)，兼且守行為期間犯事，再判入更生中心唔出奇啦，一個唔覺意，整個教導所添呀，齋拋你兩星期都算你執贏啦！！如果有律師同你講話咁都有得搞，你好快D去幫趁佢添呀。

後生細仔，亞叔勸你一句，玩乜都唔好玩毒品。

祝好。