找不到工作的興趣

不知樓主做甚麼工作, 但嘗試分析問題所在。

先講份工的問題: 解決問題之前, 先問下自己:

1. 您究竟喜歡做甚麼? 不喜歡辦公室刻板又常規(routine)的工作? 喜歡以玩game和打扮下自己等為工作目標? 還是喜歡周圍走的工作?

2. 其實呢份工作係您的興趣, 只不過係環境和其他因素影響到您? 您是否有耐性的人? 只有三分鐘熱度? 抑或您是集中唔到精神呢?

若然您份份工都係文職, 但對辦公室刻板又常規的工作一點興趣都無, 似乎您不太適合做文職; 應該考慮下做一些非文職的工作: 之前問過您喜歡周圍走的工作, 或者以甚麼為工作目標, 其實係想您思考一下以您的個人興趣發展成為事業, 例如美容, 髪型設計, 遊戲指導, 旅行社導遊等, 總好過日日對著叠文件發呆吧。

份工作係您的興趣, 只不過係環境和其他因素影響到您, 可能係工作環境和人為嘈吵著(或者太靜)的話, 除非您係高層人士, 否則您可能需要換換工作環境。

不過, 睇番您的情況, 您可能係欠缺信心, 有點依賴和集中唔到精神的人, 咁係時候要改善下:

1. 除非僱主/同事有空閒, 否則不要奢望他們花好多時間教導您。您自己亦要做點工夫, 例如drop低note, 邊睇番note邊做, miss了step而做錯的話, 不要放在心裡, 留意同事如何做和不恥下問。

2. 上司/老闆assign工作給您時, 問下有無事項要留意(例如何時deadline, 做法是否和上一次一樣等), 最好mark低這些事項。

3. 唔好放個心理障礙和太大壓力給自己, 成日話自己學唔識唔完全理解, 俾信心自己, 話俾自己I can do it! I can learn it!

4. 每次成功地學到一樣野甚至完成一份重要的工作, 奬勵一下自己吧(例如買一杯您最愛吃的雲呢嗱雪糕)。

5. 每一至兩個月做個小型檢討, check下自己成功學了甚麼和花了多少時間完成的工作, 留意自己的學習和工作進度。

6. 工作上, 若然您上司是一位可以相處的人, 必要時可以與您的上司傾下您的工作情況, 睇下他/她有甚麼可以幫到您; 如果沒有, 可以同您的朋友傾下。

"返每份工都唔可以與同事相處", 除非您係返一人公司, 否則就要和同事相處; 當然您未必會和同事做朋友, 甚至為公司打一世工, 每個人有不同的想法和工作方式, 您未必認同, 但要尊重。 解決問題之前, 先問下自己:

1. 返工有否主動點頭, 甚至打招呼?
2. 您會堅持自己的意見, 硬把自己的一套放在別人身上?
3. 您對同事不理睬, 我行我素?
4. 有無好好反省和檢討您做事的態度呢? 您的工作態度有問題(例如"擔"天望地, 講是非等)? 自己的行為可能惹起別人不滿(例如在office大講私人電話, 在公司玩MSN等)?
5. 一個錯誤重複錯三次以上?
6. 同事教您野, 無留心聽之餘, 轉頭又問番?
7. 有否為自己設下一道牆?

如果中了其中一項的話, 您係時候檢討甚至改善一下了。

時常轉工不是一個治本的方法, 最重要的係要面對和解決問題, 主動踏上第一步。

例如您可以主動找相熟的同事一同吃午餐, 當然有時吃午飯時難免獨自一人, 您就當係自己私人獨處時間, 好好享受下。

您未必要刻意奉承和討好別人, 但要做好自己本份, 尊重別人, 避免到處樹敵。

希望可以幫到您, 祝工作順利!