聽說過有關亮碧思(DHCL)等類似集團的人請進。

Lampeberger...亮碧思集團, 另一條line係Estebe, 賣薰香及護膚品的公司
先答你既問題:
1) 你簽既係一份類似入會的合約, 簡單d黎睇簽左即係"join左", 唔需要太worry, 簽左..都無乜野, 還好你未交出$5000, 雖然你有口頭答應, 但都無乜野要擔心, 佢地唔係賊黎既, 唔會搶
假如你再有機會接觸你朋友, 你就同佢講你同家人商量過, 都係覺得唔係咁適合, 都係唔想做住喇, 請佢o係你面前將合約撕毀咁就得ga la, 如果真係唔想, 千萬不要俾錢!!
2) 解釋下呢個情況, 你無野可以做, 應該話無乜野要做, 你一日未俾錢出黎都未係大問題, 錢一過手, 過左海就係神仙既道理相信你都明白~
家人說得對, 佢地係傳銷公司, 以人傳人既銷售模式營運, 公眾地方又唔好話人地呃人~ 對此業務, 佢地稱之為"感受性行業" (有d耳熟呢~) 意思好簡單, 你買佢地既野黎用, 試佢地既產品, 然後將你既"感受"傳俾其他人, 呢個講法佢地既表達係"你用完覺得好, 你都會想介紹俾你d朋友或者家人啦" after that你要做既野就好似你既朋友咁, 帶d人上去, 講完一輪, 對方交出$5000就搞掂~ 呢個時候帶你上去既佢係未有錢收既, 但係佢既上線就應該會有了, 呢d後話~
講返轉頭, 講左咁耐, 仲話唔係呃人!? 唔係ga, $5000要黎做咩呢, 其實件事係你俾$5000佢, 之後拎返$5000貨走, 做"試"同"買野黎賣"既動作, 商業角度黎睇, 件事係你俾錢買貨, 佢收錢賣貨, 即使你覺得咁樣無可能要報警都係無用, 因為只係一單交易, 一宗"買賣"~ 咁...之後又繼續介紹俾人, 等人地買, 咁後期你會同公司拆帳, 可以分幾多幾多錢等等....

講到呢度, 相信你開始明白發生左咩事喇, 其實入呢d公司本來唔係咩問題, 佢合法, 唔呃人, 仲有錢收, 只係你呢個"sales"既做法有d唔同, 一般黎講, sales係將公司既產品sell出去, 置於公司既野你唔需要買, 而依家呢~ 就係你必須要先試, 先用, 先買, 再將你用完之後既感受連同d product一齊sell俾人~ 先付出後回報既投資手法, 即係"創業", 即係你做緊老闆, 你買貨返黎(先俾錢買啦), 之後賣出去(後賣而收錢), 好清晰了對嗎?

咁創業嘛, 有自己既事業嘛, 邊個唔想~ 但係咁... "話明人傳人", before your decision, 你要考慮既係到底你身邊有無咁多"人"俾你傳, 有無咁多人有咁多"錢"同你買, 如果根本無, 咁即係點? 搵唔到人 = sell唔到野, sell唔到野 = 收唔到錢, 收唔到錢 = 無收入, 就係咁簡單

希望幫到你啦~

其實你真係唔需要太擔心,因為你簽署的文件,應該係一份入會form,不過,既然你決定唔加入,又沒交到錢.咁呢份文件等於廢紙,他地唔會攞住份form去追你負D咩責任.放心.
呢間公司唔係騙人的,你其實應該係要了解清楚.呢個究竟係個咩ge行業.樓上的朋友都答到好多point.首先,你了解清楚呢個行業後,如果想俾個機會自己去試做.咁交錢加入,當然係要啦,都唔係攞親錢都係騙人.最緊要係你睇清楚,交錢做咩,點解你要交呢D錢.
加入後,你就係呢間公司的經銷商,咁就開始自己的一盤生意.
嗯....關於營運,你要分兩方面睇,第一,你係唔係想行傳銷路線?定係想照公司指引,行直銷路線.咁直銷,當然係要將呢盤生意擴大,你都要學你同學咁,帶自己朋友仔上去,了解呢盤生意.咁做唔做,當然係他地自己決定,好似你咁.都係需要了解清楚,先去加入,即使唔加入,都係你自己的決定.
老實講,我唔知道你是否有了解清楚呢間公司D野,不過,我相信你見到,了解到的,應該比你屋企人要多.而你屋企人聽你講過後就覺得係層壓式推銷,係騙人的,帶你去警局報警.嗯,我都明白你屋企人的咁緊張的反應,其實都係擔心你.不過,你自己係有責任去了解清楚整件事,然後,自己都要負責任.唔可以,當自己唔清唔楚地做左D野,然後就怪被朋友騙了.都如你所言,你睇到慈善機構接受過呢間公司的捐款.咁呢間公司應該都係正當公司,問題係,咩人帶你進入,同埋,你了解左D咩,然後去做了D咩的決定.你自己可以思考下.