抽股新手...好多問題.易答....只係多...20分.

2008-02-29 6:24 pm

本人為抽股新手...好多野唔明...想請教一下各位
1:咩係黃表,咩係白表,要咩資格先可以用黃/白
2:如果抽到隻新股,咁佢好似係寄一張野黎我填表時既地址,如果真係抽到,咁我又想將隻股賣左佢,可以點做?
3:聽人講,銀行要存倉,証卷行唔洗,咁咩叫存倉,點解銀行要產卷行又唔洗
4:通常抽一隻新股...直到賣出....呢個過程入面,我要比d咩錢[例如咩咩手續費呀,俑金呀][麻煩詳細小小話我知各收費名目,同埋是但列一間既收費都可以,但係唔好話間間唔同就當答左]
5:如果係銀行開股票戶口,洗唔洗有一定既存款係入面?又或者要唔要定期用呢個股票戶口?
6:如果係証卷行開股票戶,又洗唔洗收錢?
7:除左以上問題...我仲會唔會留左咩我應該知而無問既問題?

麻煩各位!!!!!

回答 (1)

用戶100337

2008-02-29 6:42 pm

✔ 最佳答案

1. 黃表係抽中咗直接入落你嘅股票戶口,所以要有戶口NUMBER先用. 而白表係只會寄去你嘅通訊地址.
2. 開股票戶口咪賣得,銀行/股票行都有. 同上,白表你先收到張嘢(股票)
3. 存倉即係入落戶口. 銀行要存咗入去,轉咗名先幫你賣. 股票行會响你賣咗股票先交收. 當然,你存咗入股票行先亦得.
4. 基本上印花稅,交易徵費,交易費唔少得. 但你連戶口都未開,的確好難講得咁DETAIL,恕我直言.
5. 有存款,先肯幫你買股票,或者唔夠錢唔幫你買.睇你有幾多錢先幫你買幾多價值嘅股票
6. 銀行同證券行開戶口都唔洗俾錢
7. 要買賣快,去股票行(最好有相熟嘅經紀). 接受到慢DD嘅去銀行開戶口(無咁多PERSONAL SERVICE但唔怕執笠或STAFF有操手問題).

👍 0 👎 0