✔ 最佳答案
好睇你同佢嘅關係(e.g. 朋友、同事或親戚),
平時的相處(即係你係咪追佢),
你講呢句話時的態度(講笑、應酬說話或認真)
我由小到大都有人讚我靚(雖然自己唔覺得),
以下是我被讚時的心情和感想。
親戚(特別是長輩)或父母的朋友
因為有親戚之間的感情或看住我長大,
佢哋又庝我,多少會有d偏心。
所以除了有小小開心之外,無乜感想。
普通朋友或同事
可以係男或女,佢哋對每個人(包括自己在內)都無乜特別,
佢哋可能已經結咗婚或有另一半,
總之就係完全feel唔到佢有追求的意思。
只會當係一句禮貌或交際說話,
聽過就算,唔會放在心上。
懷疑對自己有意思的追求者
對我的態度好明顯同其他人唔同,
又無任何明示或暗示,
但明眼人都估到佢想追我,
而自己又對佢無意思。
聽到呢句話只會覺得尷尬同無奈。
路人甲
試過被人搭訕時聽到呢句話,
當時只覺得d人好無聊。
男朋友或中意嘅人
聽到對方咁講,
更係又開心又甜啦。
當然,呢d都係我自己的反應,
唔代表所有女仔。