中國如何對付以下武器?

✔ 最佳答案

中國點解要引入德國既衝鋒槍﹖中國既槍械多到年年大量出口到非洲及拉丁美洲，而中國無論手槍、衝鋒槍、突擊步槍及重機槍要幾多有幾多，唔通真係只有外國既月亮圓啲﹖中國現代軍備的先進程度已有啲匪夷所思既地步，造支槍咁小事係四十年前已經有效地解決。樓主可以上多啲大陸既軍事網站睇下大陸依家有咩槍。

樓主想問一系列既武器同中國武器對打會有咩結果，答案都唔係好難。以上幾款戰機，除左F-22，勉強加埋Su-37同Su-47，其他所有戰機最多只能同國產最新既殲十一B打平手，而理論上殲十一亦可對付Su-37同Su-47。F-22最麻煩，佢畢竟比殲十一先進至少半代，但如果配合空警-2000預警機同埋整個防空體系，要對付F-22都有把握。

T-90亦係最麻煩既對手，畢竟佢真係幾先進，佢既主動防禦系統、反應裝甲同大威力坦克炮令佢可能係當今世上最強大既坦克。不過兩次車臣戰爭已表明T-90唔係想像中咁難對付。只要唔好同佢硬碰硬，專捉佢弱點黎打，例如打車頂，車尾同履帶，咁佢都可以好脆弱。

樓主提出S-400非常好，因為呢件武器的確有趣。係半年前佢都係世界上以技術指標黎講最先進既防空飛彈，但前排有買呢種武器既敍利亞比以色列戰機入侵領空轟炸大後方目標，而敍軍既S-400竟然對以軍既入侵完全無反應，於是呢種飛彈既先進傳言就不攻自破。

印度都有買S-400同300幾架T-90，理論上都好先進。不過由於印度無生產權，再加上俄系武器一向出名後勤問題多，再加上敍利亞S-400事件同車臣戰爭既經驗，可以話以上兩種武器都唔係真係咁得人驚。中國有大把方法打T-90，呢個唔駛擔心，唯一擔心既係S-400雖然表現麻麻地，但係佢畢竟都幾先進，而中國既戰機再先進始終都唔係隱形戰機，所以面對S-400時可能會損失慘重，而呢樣野就真係好難解決，要等未來睇下中國會唔會發展戰機主動防禦系統先至有得搞。

想講幾句題外話。之前Matthew兄力撐蘇聯是一個文明大國，更批評小弟只從政治及軍事角度評價蘇聯。好，咁我就想問下Matthew兄，如果蘇聯真係好似閣下咁講咁文明，點解近幾十年蘇聯都無出過幾個風靡全球既作家、電影，或者研究同發明出一啲震驚世界科學理論或產品﹖如果蘇聯真係咁店，所謂有麝自然香，咁蘇聯無論係文學作品、電影、日常用品都肯定會係全球有好大市場，但係點解蘇聯既產品同文化永遠都只係係蘇聯國內同東歐衛星國家中流傳﹖如果蘇聯係文化上真係咁店，點解會有布拉格之春之類既反蘇運動﹖點解連中國呢個共產沙煲兄弟都要同佢反晒面﹖議事論事，蘇聯對世界唯一既貢獻係佢既太空事業開創左人類既一個新紀元，但除此之外蘇聯可以話係一無是處，都係嗰句，呢個國家咁都捱到成四份三個世紀都算佢好野。

回答 (2)