✔ 最佳答案
其實每個人對眼既淚水分秘同埋 con 既種類都有唔同,兩者都會影響帶 con 時的情況。所以未必個個人都係同樣情況的,例如同一款 con,帶在唔同人的眼上,可能 a 會發覺無問題,而 b 就覺得帶左好易甩,呢個情況就有可能係因為 b 隻眼既淚水分秘不足。
甩左出黎既 con 好容易沾上細菌,如果即刻帶返上眼度,有可能令到隻眼都受細菌感染而發炎,這樣後果就會很嚴重。
甩 con 之後正確既做法係用洗 con 水即時洗返乾淨隻 con 先再帶。但若果身上無帶洗 con 水,就可以用眼藥水或者乾淨既蒸餾水代替,同樣都係要洗乾淨隻 con 先可以再帶返上隻眼度。
另外,如果真係以上三樣野都無既,建議你都係除埋另外果隻 con,因為如果雙眼長時間度數相距太遠的話,你睇野時會覺得很辛苦,這樣對眼晴都不好。
而點樣可以防止再甩 con,最好避免雙眼好疲勞既時候帶 con,因為當眼睛疲勞既時候,係會減少淚水分秘的,這樣就會令到你經常覺得對眼很乾澀。如果不能避免,一定要帶的話,就要多眨眼,避免定晴望著同一樣東西很久。而最方便實際的方法就是帶定一支淚水配方的眼藥水旁身,一覺得眼很乾就滴兩滴,因為當雙眼有充足的水份的時候,隻 con 就無咁容易甩。