HKMA 專業文憑

之前讀過PDHR, 可以俾到個建議您。

1. 呢個文憑有冇用,認受性高唔高? 如果用作見工用途, 有用途, 僱主承認; 但係用來升大學, "未夠力"之餘仲要讀埋高級文憑加IELTS/TOFEL(讀top-up degree的話)才行, 認受性成疑。

2. 課程難唔難,易唔易pass (因英文不太好): 課程深淺與否視乎您所揀的專業文憑是甚麼, 請補充番您想讀甚麼科目的專業文憑 。 "易唔易pass": 睇您的理解能力和老師是否俾定考試大概範圍而定, handout和考試(特定的語言科目除外)用英文, 老師授課多用中英文。

3. 如果工作經驗爭兩個月才夠兩年,可否入讀?? 可以一試, 很少不批准。

4. 入讀之前是否要面試? 除非您的學歷資格未達到, 否則一般情況下不用面試。

補充一點: 以前持HKMA的專業文憑畢業生, 只要讀番Bridge courses就可在一年內取得澳洲RMIT大學之管理學位; 但收到最新消息謂收緊兼提高了入學條件: 必須達25歲, 有3年或以上工作經驗, 持Diploma in Management Studies和英文程度要有IELTS 6.5或以上/TOEFL 580。若然以HKMA專業文憑入大學, 只可以選亞洲(澳門)國際公開大學之工商管理學士學位課程。

所以讀其專業文憑是用作見工還是升學, 以上的資料可以幫到您。