總覺得自己夠坎坷... 小時阿爸出便有二奶, 二奶惡過大婆, 上門要人, 雖然好彩當時阿嫲未死掃佢出門口, 但阿媽激到病, 抑鬱, 生癌, 電療做到傷晒, 受苦到死為止.. 但話阿爸無良咩, 阿媽臨死嗰幾年又識得返來照顧我地母女, 當然無事時佢從來都唔見人啦, 但我見佢都算有良心, 有事都識得出現, 見佢係大陸做生意周轉有問題, 咪幫下囉, 點知個越踩越深, 問老豆生意到底點, 成日都話捱多一兩個月就得, 有大客在手... 點知原來佢口中所謂大客, 中間判上判, 判頭走路, 我欠銀行成百萬債...!!
我都有個好兄弟, 好關心我, 可惜無咩用, 讀書阿嫲要仔唔要女, 接佢去外國讀書, 我自己留係香港, 以前香港得兩間大學, 家境唔好阿媽又有病, 我雖然好努力都升唔到大學, 只有出來做o野, 個兄弟外國讀完書返來, 入大公司, 人工高, 但學埋人地d中產生活, 又唔想下剛剛出來做o野邊有咁o既能力, 結果一身債, 又係我還.. 往後十幾年, 每隔幾年佢就要我 "幫一幫", 有時覺得唔抵, 但當時阿媽未死, 開到口唔通唔幫, 幫下幫下, 雖然後來阿媽都唔係度, 但反正都幫慣, 而且比起老豆嗰筆小兒科啦.
成身債, 又無青春, 無前景, 無希望, 我都唔知仲係度做人做咩...
生不如死, 不如早死
2008-02-28 7:57 pm
回答 (5)
2008-02-29 12:01 am
✔ 最佳答案
我好同情您的遭遇. 尤其是你的母親. 對於丈夫對自己不忠一直都放唔低, 令到先己生病, 抑鬱. 相信作為子女的你當時一定相當難過. 其實人生總有好多不如事, 希望你要以媽媽為借鏡, 要識得放低, 以免抱憾終生.其實你有無唸過你依家欠下成身債, 你自己都要負好太責任呢? 亳無疑問你個人心地好好, 又唔記仇, 又原諒你爸爸. 仲借錢比佢. 你真係唔話得. 但可惜你雖然借左咁多錢比佢, 但都幫佢唔到, 最終仲害埋自己. 你借錢前有無唸過要量力而為, 要保障你自己呀?. 爸爸生意唔掂最多將間公司結業清盤, 欠債唔上身, 但你欠債還唔到, 就要破產, 影響好大. 就算打份工要自動轉帳出糧, 都無銀行肯幫你開戶口. 又申請唔到信用卡......
至於你的好兄弟, 你為佢所欠的, 真係唔值得同情, 仲要一而再, 再而三咁害佢(你幫佢係等於害佢) 你的所謂幫一幫, 令佢唔識反省, 唔識做人. 停止再幫佢喇! 不過相信你依家都無錢再幫佢.
1) 關於債務方面, 如果唔肯做債務重組, 就考慮下做破產. 四年好快過. 你有份工, 破產官會衡量你每個月開支來扣你份糧的, 當然要計埋屋租啦, 點會要你瞓街呢? 咁你借錢前無唸過哩D問題咩! 我個朋友之前都欠成百萬, 有物業, 破產前一直用信用卡OD, 因為無錢周轉, 所以唸住橫掂都要破產, 唯有OD埋筆破產費囉. 咁到真係破左產就唔洗還. 破左產無物業, 好似可以申請公屋. 你打聽下.
2) 每個人的青春都是每天在溜走的. 無咩借得慨嘆. 人隨著成長, 應該
更加懂得令自己生活過得充實, 開心. 哩D係要用溜走的青春來換取
的. 所謂經驗係靠累積.
3) 前景/希望, 都係靠你自己去創造. 你要什麼前景, 你有什麼希望? 你
可以有咁多錢借比人, 相信你都好本事, 好有工作能力. 又有經驗.
你咁叻, 點解唔可以有前景, 有希望呢?
努力面前啦! 少D自憐. 多D自強呀! 死都要有勇氣, 唔好成日封在口邊呀! 四年, 記住, 好快過.
祝福你!
2008-02-29 3:41 am
見到你的仁慈, 但又愚孝. 相信很多人都寄予心痛及同情心, 一連串的慰問.
我相信你現在的最急切的問題是叫你老豆結束生意 ( 止血先 ), 另叫你果個好有本事從外國讀完書返來, 入大公司, 人工高的兄弟, 結束埋學人地d中產的生活, 踏入無產的生活.
三個人一起復活啦 ! 賣樓, 舊樓都有佢個價值, 賣得幾多, 得幾多, 之後就夠錢去租樓/套房住, 去破產及夠資格去申請公屋啦! 仲有你有份工, 相信唔會餓死.
天無絕人之道路, 只有拙人自封路.
船到橋頭自然直, 無需庸人作自擾.
朋友記住時間能把不如意的事洗刷, 會把值得記住的印於心底, 日後慢慢品嚐!
祝你早日走出困境, 邁向新的一天 !
我相信你現在的最急切的問題是叫你老豆結束生意 ( 止血先 ), 另叫你果個好有本事從外國讀完書返來, 入大公司, 人工高的兄弟, 結束埋學人地d中產的生活, 踏入無產的生活.
三個人一起復活啦 ! 賣樓, 舊樓都有佢個價值, 賣得幾多, 得幾多, 之後就夠錢去租樓/套房住, 去破產及夠資格去申請公屋啦! 仲有你有份工, 相信唔會餓死.
天無絕人之道路, 只有拙人自封路.
船到橋頭自然直, 無需庸人作自擾.
朋友記住時間能把不如意的事洗刷, 會把值得記住的印於心底, 日後慢慢品嚐!
祝你早日走出困境, 邁向新的一天 !
2008-02-29 2:35 am
Hi ! 朋友我覺得你太愚考,你都要為自己將來設想,何必還要幫他們做這麼多嘢!是想你幫老豆還了多年債到現在還未淸,何苦呢? 你應該同老豆傾,生意既然沒有錢賺,不如結束它.如果他不肯,你就要決絕些,說明永遠不幫他. 至於你所為好兄弟,無錢學人充炮艇,你都有責任教訓他;不應把你當水泡,有事鍾無艷,無事夏迎春. 如果他們不聽你說,那你就忍心些與他們斷絕關係,何況你媽媽已不在;你以對他們仁至義盡. 係時候為自己打算,沖出繁籠,抽些時間出外旅遊,結識多些朋友,甚至做下義工,擴闊人生,不要自己鑽牛角占;找人傾訴一下.希望你找到你既新希望! 祝明天會更好?
2008-02-29 21:36:50 補充：
你睇下,而家幾多網友支持你,不要灰心,重生振作. 我估計你未嘗請教區議員,立法局議員幫助,相信他們一定會幫手教你怎麼辦?因我曾經請教過他們.
因我們不知你欠那間公司錢(銀行,財務公司或其他呢?).如果你最後選擇破產,四年好快過,而且你可能會覺得生活比以前好過! 因破產處會計算你每月正常支出,然後將剩餘收入還給債主.所以你要多問,綜合多些意見,才決定點做. 相信我們這班網友繼續支持你,幫助你. 日後如何?希望你告訴我們. 後會有期.
2008-02-29 21:36:50 補充：
你睇下,而家幾多網友支持你,不要灰心,重生振作. 我估計你未嘗請教區議員,立法局議員幫助,相信他們一定會幫手教你怎麼辦?因我曾經請教過他們.
因我們不知你欠那間公司錢(銀行,財務公司或其他呢?).如果你最後選擇破產,四年好快過,而且你可能會覺得生活比以前好過! 因破產處會計算你每月正常支出,然後將剩餘收入還給債主.所以你要多問,綜合多些意見,才決定點做. 相信我們這班網友繼續支持你,幫助你. 日後如何?希望你告訴我們. 後會有期.
2008-02-28 8:21 pm
唔好咁易話想死....
如果債務問題..可以試下債務重組...
如果青春問題...唔好睇外表..最緊要心境青春...
人生唔會無希望架...你而家睇到係掘頭路..
但你諗真d..望清楚d...轉左彎就有另一條路...
你又諗下...生命好寶貴架....
有d人周身病...但佢地都會堅持到最後一刻...
積極d啦...朋友!!!
如果債務問題..可以試下債務重組...
如果青春問題...唔好睇外表..最緊要心境青春...
人生唔會無希望架...你而家睇到係掘頭路..
但你諗真d..望清楚d...轉左彎就有另一條路...
你又諗下...生命好寶貴架....
有d人周身病...但佢地都會堅持到最後一刻...
積極d啦...朋友!!!
參考: 自己意見
2008-02-28 8:15 pm
其實你唔駛咁灰, 雖然成身債, 又畀兄弟利用, 但你仍然可以重新振作.
債 ------ 你可以申請破產. 反正你巳一窮二白, 破產對你的影響不大. 若果是大耳窿, 你可以報警和搬走避開.
青春 --- 而家好多人都係單身, 當然有好多原因, 但亦唔代表搵到另一半就無晒問題. 單身有單身既煩惱, 兩個人有兩個面對既問題. 好多人離婚後都選擇單身, 專注工作.
天無絕人之路, 重要既係, 你唔好諗埋一邊, 只要你去搵方法, 一定搵到辦法和協助你既機構.
你覺得自己苦, 但你不是唯一一個, 有好多人比你更苦. 正面d, 諗方法求生, 比單單自憐好好多.
有問題的話, 歡迎留言給我.
債 ------ 你可以申請破產. 反正你巳一窮二白, 破產對你的影響不大. 若果是大耳窿, 你可以報警和搬走避開.
青春 --- 而家好多人都係單身, 當然有好多原因, 但亦唔代表搵到另一半就無晒問題. 單身有單身既煩惱, 兩個人有兩個面對既問題. 好多人離婚後都選擇單身, 專注工作.
天無絕人之路, 重要既係, 你唔好諗埋一邊, 只要你去搵方法, 一定搵到辦法和協助你既機構.
你覺得自己苦, 但你不是唯一一個, 有好多人比你更苦. 正面d, 諗方法求生, 比單單自憐好好多.
有問題的話, 歡迎留言給我.
收錄日期: 2021-04-13 15:13:57
原文連結 [永久失效]:
https://hk.answers.yahoo.com/question/index?qid=20080228000051KK00681