我老公外面有女人, 但我冇証據, 佢唔肯認, 但係我好肯定佢一定係, 因為個女人已經向我示威. 我們沒有分居, 同一間屋住同一張床瞓, 但係已有一年冇性行為
全世界人都認為我哋係幸福家庭表表者, D人亦好認定我十分幸福, 生活家庭美滿. 我35-yr-o, 我老公38-yr-o, 有一個4-yr-o嘅女
約一年前我懷疑老公有外遇, 但我冇証據, 佢亦唔肯認, 佢有一段時間, 約3個月內, 有7-8成日子冇返屋企, 我覺得非常辛苦, 非常白痴地嘗試自殺2次, 好彩死唔去, 但冇入醫院亦冇報警, 佢有同朋友講過, 但我所有親戚朋友都唔知有依事發生過, 而因為我自殺, 佢嘅工作壓力, 我嘅生活壓力, 及各種因素, 我同我老公感情變得好差, 又因為呀女嘅原因, 我忍氣吞聲, 嘗試挽救依段婚姻, 但佢冇即時離開個女人. 但我估計佢哋中途應該有機會分開
以為海闊天空, 點知本性難移
而家又面臨第二次考驗, 又有一個女人出現, 有可能係上一個, 今日個女人已經向我第二次示威, 我老公當然唔認, (第一次示威係一月尾, 個SMS我仲keep住), 個女人今朝打比佢, 我老公就呃我話臨時要出差要星期五先返, 我信以為真, 點知個女人又用同一方法, 用我老公手提電話打比我另我聽到佢哋對話, 正確嚟講係佢鬧緊我老公, 而我老公正在解釋中 (我淨係聽到個女人話"you are liar", 而聽唔到我老公講咩就收咗線), 我再call 我老公佢冇聽電話, SMS又唔覆,一個鐘後仲熄埋電話
我老公係外籍人士, 月入約80K(basic + comm), 我於大肚時已冇工作, 重新投入工作未滿3個月, 即試用期都未過,月入約30K, 但公司啱啱賣咗盤, 因此有可能隨時冇得做兼冇得補
於經濟能力, 教育程度, 前途等, 我老公一定比我強, 但佢經常要出差, 但我份工亦十分忙碌, 每日都要OT.
現時每月家用20K, 家庭每月開支約25-28K,但將會送呀女讀國際學校, 因此家庭每月開支會增加至35-38K, 我個人每月基本開支約12K
客觀嚟講, 我老公係一個好叻, 好醒目及工作出色嘅人, 佢醒我十分十分多, 把口十分勁, 死都撬返生嗰種, 不論任何情況下, 誰是誰非我都未試過嬴佢, 我亦十分冇用地成日比佢大到
我哋冇任何共同擁有資產
我老公完全冇家人响香港, 而我正好相反, 所有家人都响香港, 但我媽咪精神有問題, 我EQ亦很低, 情緒起伏頗大
我哋大家好鍚個女, 所以我知佢一定同我爭, 雖然呀女都好錫爸爸, 但我個女十分痴我, 因為我同佢感情深厚D, 我一定係呀女首選, 因為我完全知佢喜惡
我想問
1. 於完全冇證據下,我可以用什麼理由離婚?
2. 係咪可以單方面提出分居或離婚?
3. 我可否要求我老公搬走?
4. 就我所提供的資料來講, 呀女判比我嘅機會大唔大? 我老公一定會用我媽咪精神有問題, 我EQ低及曾經自殺2次, 會影響及危害呀女心智發育及心理發展為理由去增爭撫養權
5. 分居期間佢是否需要比贍養費?
6. 以我的經濟能力, 佢是否需要比贍養費?
7. 假如佢冇fix income, 咁贍養費會base on 什麼去計算?
8. 甚樣去決定及計算佢應該比幾錢贍養費? 是基於呀女的生活質素維持不變去決定嗎? 咁一般現時開支, 如屋租, 工人, 水電煤等等會計算在內嗎?
9. 如一般現時開支會計算在內, 是否將總開支除家庭人數 X 子女數目而計算? 如果總開支為30K, 就30K/3x1=10K?
10. 定係呀女必要開支, 包括學費, 雜費, 屋租, 工人, 水電煤等除2 (父母各一份), 如以上每月總開支為25K, 就25K/2=12.5K
11. 定係呀女所有必要開支, 包括學費, 雜費, 屋租, 工人, 水電煤等
12. 如不幸地呀女發生事故, 須要大筆金錢, 咁佢要負責嗎?
13. 如果佢離開香港 relocation, 咁我可以點做?
14. 我有自己的工作, 佢有冇需要養我?
15. 我們雙方均財政獨立, 有需要財產均分嗎? 如果一方的股票, 基金及存款等都比對方多, 是否需要因離婚而分比對方?
16. 我應該用咩方式去解釋比呀女知? 我儘量唔希望會影響到小朋友, 需要點樣去做心理傅導呢?
多謝你嘅時間及保貴意見, 祝你生活美滿
更新1:
點解你唔搵私家偵探影佢相，將來真的去到要離婚的地步，對你都好有用！ 白痴囉, 仲呃自己, 但我而家真係有依一步嘅打算, 但另一方面, 佢都會諗到, 所以行動十分小心, 佢個電話24小時貼身, 所有ＳＭＳ仲即時delete 成年無性生活，你有無做好你本份呀？是你唔想做呀下？我唔相信女方想做，男方會拒絕的！問心那句你自已有無問題先？？？ 我可以好肯定話你知, 可以做的我已經做哂, 我都係人有七情六慾
