綜援人士可否旅行?

放心啦!綜援人士是可以去外地旅行的,不用坐監咁嚴重.
不過社署有規定,綜援人士離港不可超過56天,如超過56天,則會影響綜援的發放,
基本上,社署給你們的綜援,只要合乎申請資格及條件,批咗比你就係你嘅,至於你如何使用這筆金錢,例如:你鍾意嘅一天內用晒佢,其他日子捱餓都得,或者日日坐的士食海鮮都得,只要你認為個心過意得去嘅,你鍾意點用都得,社署唔會干涉你.
如果你係死慳死抵咁儲錢去旅行,而又沒有影響家庭日常開支的話,去旅行亦無不可.記住56天內返香港就得.原則上不用通知社署,不過如果你要定時見就業主任的話,又咁啱你要去旅行,就必須通知社署,否則到時沒有出席又要扣錢㗎喇!

2008-02-28 03:12:39 補充：
如果你問我,點解2005年南亞大海嘯,比人揭發去咗旅行嗰兩夫婦會比社署告,我可以話你知,社署唔係告佢地攞綜援去旅行,而係假分居,太太以單親家庭嘅名義申請綜援,想攞多啲錢,同埋單親家庭申請人不用搵工作做,社署係告佢地呃綜援,而唔係因為佢地去旅行.攞綜援去旅行並無抵觸法例,呃綜援就犯法.