如何去筲箕灣胸肺科診所?(mtr)

呢個係港鐵筲箕灣站街道圖：


圖片參考：http://www.mtr.com.hk/jplanner/images/maps/skw.gif


假如您係用 A3 出口，而您本身對附近環境唔係太熟悉嘅，最容易認路嘅步行方法，就係從後繞過筲箕灣巴士總站，經過休憩區之後，就會到達南安里與南安街交界(永華商場)，再向南安里直出筲箕灣道(有斑馬線、安全島、電車路)，過咗馬路之後，就面對住逢源大廈向左手面繼續行，到達咗筲箕灣道、柴灣道與愛民街交界位(附近有東安大廈、天橋、公園)，咁向住柴灣道長命斜方向步行，經過埋公園正門，就會到筲箕灣賽馬會分科診所，嗰度 2 樓就係 筲箕灣胸肺科診所 所在。
但如果您較熟悉附近環境嘅話，我建議您到達咗南安里與南安街交界之後，面對住永華商場向左手面行，經過南安街，揾到嘉裕大廈正門，就會見到筲箕灣道與柴灣道交界，咁您可以喺遊樂場旁邊乘搭電梯上天橋，就會望到筲箕灣賽馬會分科診所，同埋公園正門，咁就向住公園方向步行落天橋，經過埋公園正門就可以到達。
希望以上嘅資料可以幫到您！

2008-02-28 12:40:44 補充：
Walk about 10-12 minutes to the clinic.