✔ 最佳答案
其實 UE 就好睇你自己本身既底子既...
不過 SECTION E 就好攞分... 佔UE 入面分數比較多... 好似有28%... (5份卷入面佢佔最多...)所以值得操練...而且我覺得呢一份卷可以話勤有功...做得多...習慣模式就唔係好難...
SECTION C都係好睇你個底, 你要識既字比較多... 佢會嘗試用唔同既難字黎考你... 所以你平日要睇得英文多...
其他 ORAL 同 LISTENING 都好睇你臨場表現... LISTENING一定要寫得快 + 完整句子...
中化就考你個人既批評力(文化篇章﹑ORAL同LISTENING)...
你要對身邊既事多留意... 多有感覺...用中國傳統思想加以批判...
而實用文我就建議你選擇一 D 多格式要記既熱門文體...
因為只要你記熟D格式就好難扣你分... 況且格式唔難記... 較少著重文筆,例如會議紀錄,只要語氣正確(無語氣描述為主),一般不難高分
相反,如果你選擇答演講辭同評論就會好考你文筆同埋本身既功力...
ECON方面...
岩岩升上中六會比較難以適應...會覺得比較難同埋無所適從...
如果你老師教得好,唔駛補習,好多野自己都可以做得到...
你只要專心上堂,比心機了解背後既理論同意義就可以喇...
有時候ECON MICRO既問題會比較難理解,
呢D就要靠你睇得PAST PAPER多...同時你都要知道PAST PAPER答案既意思,你自然會係答題技巧方面有所進步﹑了解題目要求...
C & K 加埋 PAST PAPER 其實本身已經好夠(如果你明既話)...
BS其實係好淺既一科,
主要都係靠背,少著重理解同應用...
只係一個字:"多"... 背到你死為止...
如果你唔係理解上有問題,就一定係你唔夠比心機背...
咁你到底係卷一(短題目+CASE)唔好定係卷二(ESSAY)唔好啊??
如果係卷一,就係你背既範圍唔夠廣...
如果係卷二,就係你寫得唔夠深入撤底...(最好有引旨同結論,有時間的話)時間既掌握好重要...
PA我唔知...
總之... 要考得好,要多睇多了解PAST PAPER...再分析
仲有...駕勢堂有講有關溫書既方法,
我聽左有以下呢四個:
一﹑20,80 分析,(20%,80%)
這個方法適用於現實世界很多的地方(情況)
讀書只是其中一種,
首先,要知道你讀緊既科目每課既內容同重點,
同埋你要知道考試卷會偏重出咩題目多...
考試通常都會有常出既題目同埋熱門題目...
呢d題目一般都會佔考卷既80%,
要合格或高分,你就一定要熟讀呢80%既課文內容同題目,
將你80%既時間(or精力)花係呢80%既題目度...
努力溫,你就通常都會合格...
另外20%唔係好出,又唔知會出d咩架呢,就花比較少既精神落去,
用20%既精力略讀,略知一二,
咁80%入面既分數你就可以十拿九穩,20%入面既分數亦都可以不致於完全失去...
二﹑集中力測試
一般人最佳吸收既時間只係持續十至三十分鐘(最多),而且你開始溫書之後會有"熱身期",個個人集中既時間都唔同...
到底點樣先叫集中呢??就係你心入面只係有書既內容,唔會溫溫下又發夢﹑又睇鐘...森美話如果時間太短就要睇醫生,因為係有病,佢自己同愛迪生﹑牛頓都有...
你會知道自己集中既時間,之後就因應自己可以集中既時間黎休息...
如果你要溫得好,就要作適當既休息,例如十分鐘...
但千祈唔好做d要集中力既野(例如打機)...亦都唔好再諗書既內容 等自己可以抖下...吸收返之前既記憶
三﹑將你一日所溫既書,係瞓覺之前重新諗一次...
因為當你個人瞓覺既時候會將你既記憶記錄...
森美仲話,如果一個人溫書唔瞓覺...
會精神不足之餘...仲好難記得實...令讀既書成為你長遠既記憶...
四﹑將你讀既科目﹑科目內容用難易度分為a,b,c part...
例如:經濟科係 a ,地理科係 d...
地理科既板塊係 a ,工業係 b, 農業係 c, 氣候係 d...(a係淺- d係難)
咁當你精神好... 有時間既話就可以溫 d 深 d既,
咁你就可以選擇溫 dd (即地理科既氣候)...
相反... 如果時間少咪溫 d 淺 d 架囉... 例如 da 或者 a入面既淺課文...
就係咁喇... 希望可以幫到你...=]
2008-03-07 12:12:26 補充：
仲有... 記得要睇張五常果幾本書...
會有莫大幫助...
2008-03-10 17:13:44 補充：
如果係學校老師教得唔好既話就難搞喇...
你出到去補習班會好難問問題...
補習只可以令你知道重點同埋答題技巧... 要明白concept 就比較難
加上一個星期先得一堂,成效不大
但大家都話出面kelvin ko好...補到好多 A...
但我就覺得麻麻,好耐之前補過...
佢講野好快,好多野都唔係重點,而係廢話...
好多堂都係要黎做PAST PAPER...(比錢要人同你一齊做PAST PAPER冇咩意思)
不過佢 D 例子可以令你好易明白原理...
我比較建議你搵私人補習,不過冇人選建議
