~~急~~因很趕 ”回魂時間”

回魂日是2008年3月5日，魂頭高一丈五尺，由上午11時從正南方回來，下午3時前由西南方離去．

人死左之後﹐茅山師傅(或者係殯儀館幫客人安排o既師傅)會依照死者年生同死亡時間推算佢o既回魂日期。然後﹐殯儀館職員會o係死者o既靈堂外面貼一張黃紙(黃榜)﹐上面寫著死者魂高幾丈﹐幾時回魂﹐幾點來﹑幾點走﹐從邊個方向來﹑邊個方向走﹐仲會寫埋死者死後入咩道(e.g.仙道﹑人道)!



有d死者會係出殯前回魂﹐有d就之後。又有人話死者係第八日回魂﹐另有說係第九日回魂。



睇戲成日話靈魂會化為飛蛾或其他昆虫﹐其實未必係真o既! 先人回魂係由鬼差 -- 牛頭馬面帶住﹐師傅冇講過佢地會變咩昆虫wor! 如上所說﹐佢地由特定方向返﹑同特定方向走﹔後人亦毋須o係地上灑香爐灰。一般回魂"setting"﹐一張檯擺三個位﹕先人一個﹐鬼差兩個﹐碗﹑筷子﹑杯。唔使香爐﹐用個橙做香爐插香﹐後面放先人遺照。(食送)菜照先人生前喜好﹐菜式不妨豐富d﹐但一定唔可以有牛肉馬肉﹐如果唔係就即係食牛頭馬面啦! 可以整一個齋﹐記住放燒酒﹑去殼(火合)蛋招待鬼差! 可以用"用完即棄"食具!



set好晒位﹐全部子孫返入房關好門﹐聽到任何聲都唔好出去。第二朝起身﹐或者過左回魂時間想出房﹐準備一把銀器(剪刀)﹐出房前先拋把野出去﹐即係話俾先人聽我要出黎喇﹐唔該你地迴避! 不過最好過左回魂時間先出黎or拋銀器﹐如果唔係即係趕先人走啦! 回魂準備o個d食物﹑食具全部掉晒唔好要返! 回魂祭完成。



有個世伯以前做殯儀館﹐佢話其實回魂係兩日﹐一日真一日假。師傅計出黎o個日係真﹐回魂後第二日就叫假回魂。鬼差知道回魂係先人同子孫最後相見o既日子﹐所以一般都會網開一面﹐俾鬼魂o係假回魂o個日返屋企見下親人。先人未必一定會返黎﹐亦有可能係回魂前一日返。假回魂就唔使放祭品﹑食物﹐亦唔使"拋銀器"﹐後人當唔知照樣訓覺就得喇!

你跟本無需擔心.因邦你們辨喪事的人長細告訴你.先人幾時回魂幾時走.要放什麼祭品.魂頭幾高等........
傳統上有七祥事.先備份回魂.燭祭品.一份接魂歸.一份送魂返.
一條鯪.生煎兩.免開肚免打鱗.
三對紅筷子.三隻紅色洒杯及一支白洒.
一隻鴨蛋.一碗白飯.鴨蛋放在白飯上.
齋菜一式分三份.放在抬上.
一隻原整鵝脾.同先人喜歡之食物.要單數1.3.5款
用過之化盆勿再用和祭品都不要
當先人歸去時.將一把刀或剪.用力拋落地上.好把所有遊魂离陽宅.
唔明要問辨喪事的人.切記!他們邦你的。

你去搵攪喪事果到會話埋你知架wor...
時間我就真係唔識講你知 , 要夾好多野既
要預備既先人鍾意食既野啦, 米酒, 鴨蛋. 白飯, 煙, 糖水...

你睇下個網址啦 可能幫到你