關於個人短講的問題(題目:童年照片)

我之前無講過呢個題目 , 但都聽同學講過 , 老師都讚佢講得 ok 家 ,比你參考一下呀

童年照片( 踏單車 )

大家好 !

我今日講既題目係童年照片( 踏單車 ) ,我細個果時影過唔少相 , 有一幅相令我既印象最深刻 , 係我5歲果時 , 有一日 , 我和爸爸去踏單車 ,我地去左xx(地方)既單車徑到踏單車 , 爸爸教左我大概1個鐘點踏單車 ,跟住我自己就踏住四輪既單車同爸爸一齊比賽 .

我就同爸爸講啦 , 我架單車四個輪家 ,一定比你既兩個輪快呀 , 你一定輸啦 ,哈哈 ! 爸爸只係笑左一下 ,但我無理會佢 , 比賽開始啦 , 我好大力咁踏住單車 , 但係點都追唔到爸爸 ,佢真係好快呀 .

突然我跘倒一塊石頭 ,我從單車到趺左落黎 ,爸爸聽到呯一聲 ,即使踏單車番轉頭 ,佢見到我趺倒 , 就顯得好緊張 ,細心咁問我 ,你點呀 ,傻豬 , 踏單車要專心 ,要望下前面有咩野阻住自己 , 要諗辦法撓過佢 , 咁樣就唔會咁容易趺倒家啦 !

你要知道呀 ,人生既道路上 , 你會遇到好多困難 ,但千其唔好咁容易放棄呀 , 要諗辦法解決難題 , 到果時爸爸未必可以即刻係你身邊幫你 , 你一定要依靠自己呀 !

自從果次後 , 我就學識人生在世 , 有好多野要靠自己解決 ,因為爸爸唔會一生都係我身邊 , 希望大家都知道呢個道理.

我既演講係咁多啦 , 多謝大家!