倉鼠唔見左,點算

再俾心機搵下啦,唔係鼠鼠就好危險,盡快再搵

隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.我唔知你屋企係點,所以都好難話多數咩位置.而且小心有冇開過門or有咩位俾佢走到出街呀.出左去就搵唔返架啦.

鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現
5)找尋有冇鼠鼠走過既痕跡,便便or食物等
6)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到

如果搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

我細細個開始養倉鼠,,
都有5~6年經驗了,,
我之前試過n次''走鼠'',,
次次都系之後捉得番既,,
其實佢應該吾會走出屋既,,,
應該會自己系屋企周圍走,,
我第1次走鼠果陣,,走左6隻,,,
我都好驚,,驚到死,,
驚佢吾知去左邊有冇野食會吾會餓死,,
又驚佢會吾會走左出街俾人俾車踩死,,
仲之系甘驚,,
果一次我就好在意佢地有冇出現過,,
就系果次,,我試過系晚上,,
廁所到見到佢系到飲水,,
又試過見到佢地晚上系屋企大聽走過,,
因為甘,,我諗左好多計仔去搵佢地出黎同捉佢地,,
最掂既方法就系,,
搵d野食同水放系床下底,,
幾日之後,,
佢就會發現床下底成日都會有野食,,
佢就會成日去床下底食野-.-
因為甘有一晚就捉住左佢喇!!
我系吾同地方再放,,
最後6隻捉番晒,,
不過吾好嚇親佢,,
吾系佢有排先出鼠出黎俾你搵到-,-
從此我''走鼠''都會甘做,,
吾知系咪我好彩,,
其實所有動物都好為食,,
呢個方法都好掂,,
你試下先,,
睇下得吾得先^^

你放d佢平時鐘意成既食物係度.要應著有幾多.
你過一陣反黎睇下佢有冇小到.就知佢有冇係果度出沒過
如果有呢就鎖定果個地方.."
如果你好耐性d就放反d食物係第一次果度,等佢覺得呢度有食物就會哩係附近.
呢個放法我用左好多n次