請問避孕藥是否在普通藥房可以買到, 不需醫生介紹信 ?

口服避孕藥,除咗Diane-35 因為濃度較高所以要醫生紙先買到外,其他o既都係可以over the counter(不需要醫生紙)就買到,但由於每種避孕藥都有不同的成份及副作用,所以建議開始服用前先諮詢醫生意見,並最少每年見一次醫生查詢是否適合繼續療程。
基本上口服避孕藥o既服用方法如下: 於經期來臨的第一天開始服用第一粒,期後每日同一時間繼續服用,直到第二十一天,然後是七天的空窗期(即不用服藥),第二十八天後(即下一個第一天),無論有否經血,也要開始第二盒;如忘記服藥,請盡快補服,並且於原來的時間繼續服食下一粒,即有機會同一時間服食兩粒;如一盒有超過兩粒藥不準時服食,請用其他方法避孕。
有部份避孕藥為免病人忘記服藥,會有七粒安慰劑(即無藥性的藥丸)讓病人於空窗期繼續服用,以避免忘記開始下一盒藥,如果你女朋友係d大懵o既人,就最好揀呢隻。
現時市面上最新的口服避孕藥為Yasmin優思明,因為會有較少水腫的副作用。
而口服避孕藥o既主要副作用為水腫,下體不規則出血,乳房漲痛,腹痛,作嘔,體重改變等;另外,口服抗生素會令避孕藥效果失去,如要服食抗生素,請以其他方法避孕。

出面d 藥房買既避孕藥都唔知邊度黎既,
不如去家計會問下啦!

我本身係母嬰健康院拎既,唔知未生過既可唔可以去拎,
你都可以去問下附近既健康院!

我食緊果d要日日食,仲要準時添呀!
但係果度拎既好好,後面有埋指示講星期幾食邊粒!

希望可以幫到你啦~

1.最好當然去請教醫生...
種種避孕藥服用後都有不同的副作用同影響,
不要覺得去問醫生麻煩,
雖然都唔一定要去,
但為她著想囉..
2.對!

係可以; 但最好都係看醫生安全D, 因為個人有否對藥物敏感, 看醫生可知得清楚D；另外每天都要定時食藥。不可唔記得。
如果想安心D, 怕唔記得, 可去醫生署打針。

2008-02-27 15:50:02 補充：
優思明避孕藥 都幾好