點將交流電轉成直流電？

加4個diode

diode既原理係限電流既方向

做法就係

----(+ diode -) ------------ (+ diode -)----
| | |
+DC--| AC power |---DC---
| | |
----(+ diode -) ------------ (+ diode -)----

2008-02-27 14:29:22 補充：
display唔到出泥添
或者你睇呢個啦
http://www.kpsec.freeuk.com/animated/brect.gif

要將交流電轉成直流電有好多方法，最簡單既係用整流二極管，因爲整流二極管只允許正半周電流通過，有半波整流同全波整流之分，半波整流只要用一個整流二極管就可以，整流過程係將交流電正弦波既正波導通，負波絕緣以達致動脈直流電，但係全波整流就有分半橋式同全橋式，又有分單相同三相，單相全波半橋式整流需要用有抽頭既變壓器，用兩粒整流二極管就得佐，三相全波半橋式整流需要用有中線既變壓器，用三粒整流二極管就得佐，但係全波全橋式整流就唔需要有抽頭或有中線既變壓器，單相全波全橋式用四粒整流二極管，三相全波全橋式用六粒整流二極管，好處係經濟，容易安裝，但係會產生諧波，諧波會傷害交流電功率補償電容器，造成電容器爆炸，減少諧波既方法係將電容器串聯一個諧波感應過濾器，將電線曡埋一齊，如果三相電線就要曡品字形，諧波感應過濾器價錢好貴，有人就安裝一架交流電動摩打，用來拉侑個直流電發電機，好處係電流大，唔會產生諧波，問題就係價錢貴，浪費電流，因爲就算直流電發電機冇負載情形之下，交流發電機都要用到電，係要比電費既。

仲有人用真空管，硅堆來整流高壓電。

動脈直流電加上濾波電容器就會變成靜脈直流電但係唔係好穩定。

另外仲有倍壓整流，三倍四倍，比如用6V交流電整流后充12V既電池，彩色電視機既水平囘描變壓器特高壓輸出就有一個三培壓整流器。